Богд ууланд дахин түймэр гарлаа. Онцгой байдлын албаны мэдээлэл шуурхай удирдлагын төвд өнөөдөр 15 цагийн үед Богд уулын Хийморийн овоо орчимд түймэр гарч байсан гэсэн мэдээлэл иржээ. Мэдээллийн дагуу Хан-Уул дүүргийн Онцгой байдлын хэлтэс болон нийслэлийн аврах ангийн 30 гаруй албан хаагч, найман машинтайгаар галын голомтод ажиллаж байна. 

Одоогоор түймэр 3-4 га газрыг хамраад буй аж. Урьдчилсан байдлаар иргэдийн болгоомжгүй байдлаас гал гарсан хэмээн үзэж байна.

М.Болд