ОХУ-д төрийн айлчлал хийхээр Хойд Солонгосын удирдагч Ким Чен Ун албаны хүмүүсийн хамтаар хүрэлцэн ирээд байна. Оросууд хүндэт зочноо найрсагаар угтан авч, хүндэтгэл үзүүлжээ.
ПУТИН-КИМ нар Номхон далайн боомт хот Владивостокт хотноо уулзахаар тохиролцсон ба удирдагчид цөмийн хөтөлбөрийг хязгаарлах, хоёр улсын хамтын ажиллагааны талаар ярилцах гэнэ.
2011 онд Засгийн эрхэнд гарснаасаа хойш Ким Чен Ун анх удаагаа ОХУ-д хүрэлцэн ирж буй нь энэ юм. Тэрбээр албаныхантай уулзах үеэрээ "ОХУ-д ирсэндээ үнэхээр баяртай байна. Миний сэтгэл ихэд хөдөллөө. Гайхалтай сайхан, халуун уур амьсгалаар угтан авсанд туйлаас баяртай байна. Энэ айлчлал сүүлчийн айлчлал биш. Энэ айлчлал дөнгөж эхлэл" гэж хэлжээ.
Ким Чен Ун дэлхий нөлөө бүхий эрхэм В.Путинтэй биечлэн уулзахаасаа урьтаж, ОХУ-ын Алс Дорнодын сайд Арктик Александр Козлов, Приморийн бүс нутгийн захирагч Олег Коземяко, Хойд Солонгос дахь ОХУ-ын Элчин сайд Александр Мацэгора нартай уулзалт хийсэн байна.
Мөн түүний өвөг эцэг, Хойд Солонгосын үндэслэгч Ким Ир Сений нэрэмжит ОХУ-Хойд Солонгосын найрамдлыг ордонд зочилжээ.
Б.Дэлгэрцэцэг
Уншиж байна |