АНУ-ын Флорида мужийн Жаксонвилл хотноо Батлан хамгаалахын “Boeing 737” нисэх онгоц осолдсон талаар "Ройтерс" агентлаг мэдээллээ.

Уг онгоц Гуантанамогоос ирсэн ба "Miami Air International"-ийн нисэх зурвасыг хэтэрч, ойролцоох голд унасан аж.

"Boeing 737-800" онгоцонд 136 зорчигч болон багийн долоон гишүүн зорчиж явсан талаар албаныхан уламжлав. Гэнэтийн ослоор 21 зорчигч гэмтсэн хэмээн мэдээлжээ.

Харин "www.usatoday.com" сайт "Ослоор 21 зорчигч гэмтэж, дөрвөн зорчигч амь үрэгдсэн" гэж дамжуулсан байна.

“Boeing 737” онгоцонд  Гуантанамо дахь агаар болон тэнгисийн цэргийн албан хаагчид болон тэдний гэр бүл зорчиж явжээ. 

Ослын шалтгаан тодорхойгүй байгаа ч аврагчид онгоцны хар хайрцагны бичлэгийг олж, албаныханд хүлээлгэн өгчээ. Тусгай комисс онгоцны шатахуун хянах хэсгийг шалгаж буй гэнэ. Учир нь ослын газарт их хэмжээний шатахуун алдагдсан байжээ. 

Б.Дэлгэрцэцэг