Оюуны өмчийг эдийн засгийн эргэлтэд оруулах төслийг хэлэлцэхийг дэмжив
5-9

УИХ-ын чуулганы нэгдсэн хуралдаанаар Оюуны өмчийг эдийн засгийн эргэлтэд оруулах тухай хуулийн төсөл болон хамт өргөн мэдүүлсэн хуулийн төслүүдийн хэлэлцэх эсэхийг шийдлээ. Хэлэлцэж байгаа асуудалтай холбогдуулан гишүүд асуулт тавьж, хариулт авав. Тухайлбал, УИХ-ын гишүүн Д.Лүндээжанцан:

 

-Энэ том хуулийг гишүүд санаачилна гэдэг том зориг. Их олон жил яригдсан. Патентын тухай, Оюуны өмчийн тухай гээд хуулиуд бий. Энэ хуулиудтай уялдуулах хэрэгтэй гэж үзэж байна. Хөгжлийн чиг, зүг нь юм. Залуучуудын зөвлөгөөн дээр 2040 онд ангараг гариг руу аялах төслийг залуучууд гаргалаа. Тэгээд энэ төслийг хэрэгжүүлэхэд Монголын говь хэрэгтэй байна гэж ярихаар нь юун дэлхийгээс тасарсан зүйл яриад байна гэж бодож байлаа. Эргээд харахаар дэлхий даяар яригдаж, хийгдэж байгаа асуудал. Үүн дээр оюуны патент гарч ирээд байгаа юм. Энэ хуулийн төслийн нэр тогтоол шиг бас сонсогдоод байна гэхэд УИХ-ын гишүүн Н.Учрал:

 

-Энэ хуулийн төслийн нэрийг Оюуны өмчийн гэж нэрлэж болохгүй. Оюуны өмчийг эдийн засгийн эргэлтэд оруулах гэсэн нэр нь илүү оновчтой байгаа юм. Өөр гарцгүй. Судалгаанаас харсан хэмээн хариулав. 

 

Ийнхүү гишүүд асуулт тавьж, хариулт авсны дараагаар санал хураалт явууллаа. Гишүүдийн олонхийн саналаар Оюуны өмчийг эдийн засгийн эргэлтэд оруулах хуулийн төслийг хэлэлцэхийг дэмжив. 

Н.Энх

Shuud.mn
Сонин хачин