Түргэн хоолноос татгалзъя
13 өдөр

Сүүлийн хоёр сарын хугацаанд түргэн хоолноос татгалзах хангалттай шалтгаанууд илэрлээ. KFC-ийн Зайсан дахь салбараас хоол идсэн хүмүүс хэдэн арваараа хордлого авч, 40 орчим нь эмнэлэгт хэвтэхдээ тулсан. Харамсалтай нь энэ хордлогын гол шалтгаан нь хоёр тогооч болоод үлдэв. Цусан суулгын нян тээгч хоёр тогооч энэ хордлогыг тараасан буруутан болсноор KFC аврагдлаа. Цусан суулгын оноштой эмнэлэгт очсон 40 орчим хүн өвчин үүсгэгч нян тээгч болох эрсдэлтэй. Дутуу эмчлүүлсэн тохиолдолд өөрөө өвдөхгүй ч бусдыг өмчлүүлнэ гэсэн. Энэ бол эрүүл мэндийн маш их эрсдэл.

 

Үүний дараа KFC-д хоол идсэн хүмүүс хордлого авсан гэх гомдол тасарсангүй. KFC сүлжээ ч, мэргэжлийн хяналтын байгууллага нь  энэ гомдолд дөжирсөн бололтой, тоохгүй өнгөрөөсөөр байна.

 

 

KFC-ийн араас Бургер Кинг иргэдийг хордуулжээ. Энэ сарын 7-ны өдөр “Бургер Кинг”-ийн Хан-Уул дүүрэгт байрлах салбарт хоол идсэн гурван хүн хордлого авч, ХӨСҮТ-д эмчлүүлж  буй. Тэд хордлогын шинжтэй, цусан суулга гэсэн оноштойгоор эмчлүүлж байгаа гэнэ. Харин хордлого гарсан тус салбарын үйл ажиллагааг зогсоогоод байгааг мэргэжлийн хяналтын байгууллагаас мэдээллээ. Тус салбараас 32 төрлийн шинжилгээний дээж авч, лабораторид хүргүүлсэн байна. Одоогоор хариу нь гараагүй байгаа аж.

 

Энэ удаа шинжилгээний хариу хэн нэгэн тогооч нь цусан суулгын нян тээгч гэж гарвал мэргэжлийн хяналтын байгууллагад эмгэнэл илэрхийлэхээс өөр аргагүй. Шинжилж байна гэх удаан хугацааны дараах хариу олон олон иргэний амь нас, эрүүл мэндтэй холбоотой гэдгийг мэргэжлийн байгууллагынхан андахгүй мэдэж буй биз.

 

Энэ хоёр шалтгаан түргэн хоолноос татгалзах хангалттай үндэслэл мөн. Сүлжээ болон өргөжсөн түргэн хоолны газрууд цаашид ч иргэдийн амь нас, эрүүл мэндэд ямар эрсдэл  учруулж болохыг таах боломжгүй. Хамгийн ойлгомжтой зүйл нь дэлхийн улс орнуудын иргэд түргэн хоолноос татгалзаж эхэлсэн. Хамгийн наад зах нь л асар их хэмжээгээр таргалуулдаг, зүрх судасны  өвчин, чихрийн шижин өвчин үүсгэдэг. Цаашлаад түргэн хоол хорт хавдрын эрсдлийг нэмэгдүүлдэг чимээгүй хордуулагчдын тоонд бичигдсэн учраас хүмүүс эрүүл мэндээ, амь насаа хамгаалахаар энэ хүнснээс татгалзаж эхэлжээ.

 

Харин бид тансаг хэрэглээндээ оруулчихсан. Хүүхдийнхээ төрсөн өдрийг түргэн хоолны газарт очиж тэмдэглэдэг. Гэр бүлээрээ оройн хоол идэхдээ тэнд очиж, амарчилдаг. Ямар нэг баяр ёслолоор түргэн хоол захиалж, иддэг. Тэгэхдээ багагүй хэмжээний мөнгө ч зарцуулна. Халаасаа сэгсрэн байж хор худалдаж авахаа л болъё.

 

Түргэн хоолны хор хохирлын тухай та захын сайтаас уншиж болно. Тэнд таныг зоосоороо зовлон худалдан авч буй тухай бичсэн байх болно. Тухайлбал:

 

Түргэн хоолыг тогтмол хэрэглэх нь таргалах гол үндэс болдог. Түргэн хоолонд агуулагдах хэт их давс, элсэн чихэр, хөөлгөгч бодис, калори зэрэг нь биднийг огцом таргалуулж, ходоодны үйл ажиллагааг үгүй хийдэг.  

 

Түргэн хоол тогтмол идсэнээр тархинд хэт их ачаалал өгч, Альцхеймерын өвчин тусах магадлал өндөртэй. 

 

Таны идэж буй махны ердөө 36 хувь нь л жинхэнэ мах үлдсэн хувь нь элдэв нэмэлт бүтээгдэхүүн байдаг. Мэдээж энэ нь хүний биед тус болохгүй нь лавтай. 

 

Таны идэж байгаа түргэн хоолны дөрөвний нэг нь амт оруулагч байдаг гэдгийг мэдэх үү?

 

Бидний идэж хэрэглэдэг түргэн хоол нь өдөрт авах ёстой калорийн хэмжээнээс 3 дахин их байдаг.

 

Энэ бүхэн түргэн хоол таны эрүүл мэндэд сөргөөр нөлөөлж байгаагийн наад захын, энгийн үр дагавар. Хааяадаа иддэг гэж өөрийгөө тайвшруулах хэрэггүй. Таныг удаанаар үхэлд хүргэх түмэн шалтгаан түргэн хоолонд нуугдаж буй.

 

Б.Болд

Shuud.mn
Сонин хачин
tyrgen xoolnii gazruud:
Delxiin xamgiin yaduu archaagyi xymyyst zoriulagdsan xoolnii gazar shyy dee Evchin tusax targalax geed dandaa muu yr dagavartai
2019-05-11
Muu turgen:
Tergen ..l bol turgen. Restoranii hiij ugdug.shine hool ing .huleej bgaad idj suraya aa!!!
2019-05-10
irgen:
ene hool chin delhiin hyn amiig ovchlyysen gol hog novsh shyydee bolih heregtei shdee hog idehee
2019-05-10
тийм дээ хүний эрх, хавдар судлалаар дүүрэн хүний эрх ярьсан хоногоо хүлээж буй нөхдүүд байна лээ
2019-05-10
Анхааруулга:
Зайсангийн аманд маш олон жил халдвартын больниц, сүрьеэгийн больниц, хорих ангиуд байрлаж газрын хөрс нь халдвартай элдэв нян, эдгэршгүй өвчний савханцраар маш гүн, иж бүрэн бохирдсон хөрстэй газар даа. Одоо усаа тийм хөрснөөс соруулж, тэр орчинд амьдрах ямар сайн байхав. Хордлого, өвчин хоёроос салах найдлага байхгүй.
2019-05-10
Иргэн:
Тийм шүү
Зочин:
Осол гэмтэл юмуу хоолны хордлого гарсан үeд шинжилгээний хариу болон ослын дүгнэлт маш удаан 21 хоног болж байж гардаг. Энэ хугацаанд шаварт унасан шарын эзэн байгууллагаа шавраас татаж гаргах гэж бүх л аргаа хэрэглэнэ. Үүнд бол 21 хоног хангалттай хугацаа. Шалтгааныг байгууллагадаа хамаагүй нэг хувь хүн ажилчин дээрээ гаргуулбал торгууль төлөөд л үйл ажиллагаагаа үргэлжлүүлж болно. Тэр золиосонд гарч тус болсон хүнээ мөнгөар сайн урамшуулна. Асуудлыг ингэж шийдвэрлүүлэхийн тулд танил тал хээл хахууль гэх мэт шат дамжлага байдг йг бүгд мэднэ. Ийм л процэс явагддаг тул хариу удаан гардаг. Гэхдээ гадны нөлөагүй амиа хорлосон эсвэл нэг хүний хариуцлаггүй үйлдэл гэж гардаг
2019-05-10
Батхүү:
Хүн түргэн хоол идэх ч эрхтэй бас татгалзх ч эрхтэй. Яах нь хүн бүрийн өөрийнх л сонголт.
2019-05-10
зочин:
түргэн хоолны газруудыг муугаар бодохоо болимоор юм.Бид рад иргэдийн ам руу нь хүчээр шахаагүй тэд өөрсдөө ирж л амаа олохгүй гудардаг л биздээ. Мэдээж яасан гэж хортой хоол гаргах юм тухайн хүний биеийн онцлогоос л шалтгаалж гэдэс ходоод нь хямардаг байх түүнээс биш түргэн хоолныхон лав бишдэг ээ