Пакистаны Балучистан мужид байрлах таван одтой тансаг зэрэглэлийн зочид буудалд террорист халдлага болсон талаар "Ройтерс" агентлаг мэдээллээ.

"Халдлагын үеэр нэг хүн амиа алдаж, олон хүн шархадсан болох"-ыг тус улсын Эрүүл мэндийн яамнаас мэдэгдсэн байна. "Zaver Pearl-Continental Hotel"-д Пакистан болон БНХАУ-ын төлөөлөгчид хөрөнгө оруулалтын асуудлаар хэлэлцэж байжээ. 
 

Зэвсэглэсэн салан тусгаарлагчид өчигдөр 16:50 цагийн орчимд тус буудалд нэвтрэхийг санаархах үедээ тус буудлын хамгаалалтын ажилтанг хөнөөжээ. 

БНХАУ-ын эрх баригчид Балучистан мужид тэрбум ам.долларын хөрөнгө оруулалт хийхээр төлөвлөж буй юм. "БНХАУ болон хөрөнгө оруулагчдын эсрэг чиглэсэн халдлага" гэж албаныхан мэдэгджээ. 

Балучистаны салан тусгаарлагчид халдлага үйлдсэн үйлдсэн гэдгээ мэдэгдэж "Хятадууд илүү их ашиг хүртэж байна" гэв. 

Энэхүү зочид буудал нь жуулчдын ихээхэн алдартай бөгөөд халдлагын үеэр Рамадан сарыг угтан, мөргөл үйлдэж байсан мөргөлчид байсан гэнэ. 

Б.Дэлгэрцэцэг