Монгол улсын Ерөнхий сайд У.Хүрэлсүхийн баруун аймгуудын томилолт үргэлжилж байна. Тэрбээр Ховд аймагт ажиллаад үргэлжлүүлэн Говь-Алтай аймагт ажиллаж байна.
Ерөнхий сайд У.Хүрэлсүх Говь-Алтай аймагт тавигдаж буй цэвэр усны 54 км урт шугам хоолойн ажилтай танилцлаа. Энэ сарын нэгнээс эхэлсэн уг төсөл хоёр жил үргэлжлэх бөгөөд Алтай хотын иргэдийн ундны цэвэр усны асуудлыг шийдэж, эрүүл мэнд, нийгмийн үндсэн асуудал шийдвэрлэгдэх юм.
"Тайшир-Алтай" ус хангамж нэртэй энэ төсөл Австри улсын 14 сая еврогийн санхүүжилтээр хэрэгжиж буй юм. БХБЯ, Австри улсын Tiroler Rohre Gmbh групп болон туслан гүйцэтгэгчээр " Сайрам булган" ХХК-тай гэрээ байгуулан 1.7 сая еврогийн үнийн дүнтэй 40 тоннын 27 чингэлэг шугам хоолой, 3 чингэлэг холбох хэрэгсэл нийт 30 чингэлэг тоног төхөөрөмж нийлүүлэгдээд ажил саад бэрхшээлгүй үргэлжилж байна.
Б.Болд
Уншиж байна |