АИ92 шатахууны үнэ 80 төгрөгөөр өсчээ
2019-05-21
Гэрэл зургийг MPA.mn

 

Өнгөрөгч амралтын өдрөөс “Содмонгол”, “Петровис” зэрэг нефть импорлогч томоохон аж ахуй нэгжүүд шатахууны үнээ литр тутамд 80-100 төгрөгөөр нэмжээ. Тухайлбал “Сод монгол” ХХК АЙ92 автобензины үнэ 1940 төгрөг болж нэмэгдсэн байна.

 

Шатахууны үнийн нэмэгдэл ард иргэдийн амьдралд хүндээр тусч байгаа тул нефть импортлогчид шатахууны нэмэгдлийг буцаан яаралтай бууруулахыг шаардаж 300 автомашинтай иргэн өнгөрөгч 2018 оны арваннэгдүгээр сард жагсаал, цуглаан зохион байгуулсан.

 

Гэрэл зургийг MPA.mn

 

Улмаар УУХҮЯ -аас  “Шатахууны худалдаа эрхлэгч аж ахуйн нэгжүүдэд жижиглэнгээр борлуулж буй шатахууны үнийг эдийн засгийн зохистой түвшинд тогтвортой байлгах” заалтыг хэрэгжүүлэх, мөн шатахууны хилийн үнэ буурсан үед шатахууны жижиглэнгийн үнийг буулгаж байх чиглэл хүргүүлсэний дагуу 2018 оны арванхоёрдугаар сараас эхлэн шатахууны үнэ 100 төгрөгөөр бууруулсан. Гэвч дахин шатахууны үнэ нэмэгдэж иргэдийг бухимдуулж эхлэв.

 

Гэрэл зургийг MPA.mn

 

Г.Сүрэн

Shuud.mn
Сонин хачин