Айлын гэр мөргөж 10 настай хүүхдийн амийг хөнөөжээ
2019-05-27
Гэрэл зургийг MPA.mn

 

Амралтын өдрүүдэд /2019.05-25,26/ Тээврийн цагдаагийн албаны Жижүүрийн шуурхай удирдлагын хэлтэс нийт 516 дуудлагыг хүлээн авснаас зам тээврийн ослын шинжтэй 374 дуудлага, мэдээллийг хүлээн авч, шалгалтын ажиллагаа явууллаа. Бүртгэдсэн осол хэргийн улмаас нийслэлд 1 хүний амь нас хохирч, 20 хүн гэмтэж бэртсэн, ба орон нутагт ноцтой зам тээврийн ослын улмаас 2 хүний амь нас хохирсон байна.

 

Ноцтой зам тээврийн ослоос дурьдвал:

 

  • 2019.05.25-ны өдрийн 10:50 минутын орчим СонгиноХайрхан дүүргийн нутаг 13 дугаар хороо Энхтайваны өргөн чөлөө, Цамбагарав төвийн зүүн урд замд Toyota Crown маркийн автомашины жолооч Б нь явган зорчигч  52 настай Ч, 27 настай Л, 72 настай Д, 60 настай А нарын 4 хүнийг мөргөж гэмтээсэн,   

 

  • 2019.05.25-ны өдрийн 14:10 минутын орчим Дорноговь аймгийн Эрдэнэ сумын 2-р багийн нутаг “Нартын хошуу” гэх газар / Сумын төвөөс урагшаа 23 км-т/ асфальтан замд Toyota Harrier автомашин онхолдож, зорчигч 28 настай, А нас барсан.

 

  • 2019.05.26-ны өдрийн 21:00 цагийн орчим СонгиноХайрхан дүүргийн нутаг 3 дугаар хороо Бага нарангийн гудамжинд Hyundai 5TON автомашин айлын гэр мөргөж, гэрт байсан 10 настай Э нас барж, жолооч 41 настай Б гэмтсэн.  

 

  • 2019.05.26-ны шөнө 00:55 цагийн орчим Дорнод аймгийн Хэрлэн сумын 6-р багийн нутаг “САНСАЙ” хоолны гэзрын урд асфальтан замд марк, улсын дугаар тодорхойгүй автомашин явган зорчигч 58 настай, О-г мөргөж амь насыг хохироосон  хэргүүдэд тус тус шалгалтын ажиллагаа явуулж байна.

 

Бүртгэгдсэн нийт ослын 15 нь явган зорчигч мөргөж гэмтээсэн, 4 осол нь мөргөлдөх хэлбэрээр, 2 осол унадаг дугуйтай хүн мөргөх хэлбэрээр тус тус бүртгэгдсэн байна.

 

Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 87 жолоочийг илрүүлэн хуулийн дагуу хариуцлага тооцсон байна.  

 

Тус албанаас бага насны хүүхдийг зам тээврийн осолд өртөхөөс урьдчилан сэргийлэх зорилгоор “Бяцхан зорчигч” нэгдсэн арга хэмжээг Улсын хэмжээнд 2019.05.22-ны өдрөөс 2019.06.22-ны өдрийн хүртэл 1 сарын хугацаатай зохион байгуулж, бага насны хүүхдийг биеийн өсөлтөд тохирсон зориулалтын хамгаалалтын суудал, бүс богиносгогчийг хэрэглэж тээвэрлэх талаар иргэд олон нийтэд зөвлөмж хүргэж ажиллаж байна.

 

Эх сурвалж: Тээврийн цагдаагийн алба

Shuud.mn
Сонин хачин
Yanaaa ystoi haramsaltai ymaa hunii undaggui ym untsiim shig tomor unj baij yunda hurd hetruulj sogtuu baridag bainaa
2019-05-29
dana:
Daanch haramsaltai gertee zugeer baij bgaad burhanii oronluu ywna gedeg uneheer emegneltei yumaa tom owriin mashinduudad hynalt tawij ajillamaar baina
2019-05-28
төрөлхийн юм үзээгүй оркууд орк л байдаг юм байна лээ, арайхийж лизинг өр шир тавьж Ланд 200 авна тгд юм үзээгүй зангаараа хурд хэтрүүлж сагсуурч онгирно, тгд зайлуул өөрөө чад хийнэ эсвэл бусдын амь нас өмч хөрөнгийг сүйтгэнэ, банкууд балай юмнуудад жаахан судалгаа хийж сэтгэцийн үзэж байж лизинг өгч баймаар б.а
2019-05-27
Uher mglchud hyatadiin kolon bolvol taarna. Unen debil garuud. Neg negnee hyadaad duuslaa
2019-05-27