Оросын социологчид судалгаа хийхэд ОХУ-ын Ерөнхийлөгч түүхэндээ байгаагүйгээр унасан гэсэн үр дүн гарсан талаар Московский комсомолец цахим хуудас мэдээллээ.
Тавдугаар сарын 13-19-ны хооронд хийсэн судалгааны дүнгээс харахад иргэдийн 31,7% нь Ерөнхийлөгчдөө итгэл үзүүлж байгаагаа илэрхийлсэн байна. Харин энэ нь 2006 оноос хойш гарсан хамгийн бага үзүүлэлт гэдгийг судлаачид онцолжээ.
Гэхдээ ерөнхийлөгчийн рейтинг бусад улс төрчидтэй харьцуулахад өндөр хэвээр байгаа гэнэ. Бүх Оросын олон нийтийн санал бодлыг судлах төвийн мэдээлснээр улс төрчдөд өгөх итгэлийн судалгаагаар Батлан хамгаалахын сайд Сергей Шойгу 14,8% рейтингтэйгээр хоёрдугаарт, харин Гадаад хэргийн сайд Сергей Лавров 13 % санал авч гуравдугаарт бичигджээ.
Судалгаанд оролцогчдын 65,8% нь энэ албан тушаал дээрээ явуулж буй Путины үйл ажиллагааг дэмжиж байгаагаа урьдын адил илэрхийлсэн байна.
Энд дуулгахад, 2019 оны нэгдүгээр сард хийсэн судалгаагаар Путины рейтинг унаж байгаа гэсэн дүн гарсан юм. Тухайн үед Путины рейтинг 32,2%-тай гарчээ.
Г.Бямбасүрэн
Уншиж байна |