Украины Ерөнхийлөгч Владимир Зеленский Донбассы оршин суугчдад ОХУ-ын паспорт олгож байгаа Оросын албан тушаалтнуудын эсрэг хориг тавихыг Европын холбооноос хүсчээ.
Энэ талаар Зеленскийгийн захиргааны твиттер хуудсанд мэдээлсэн байна.
Тэрбээр Европын холбооны гадаад хэрэг, аюулгүй байдлын бодлогын дээд төлөөлөгч Федерика Могерини болон Европын зөвлөлийн дарга Дональд Туск нартай Брюссель хотноо уулзах үеэрээ “Оросын түрэмглийллийн эсрэг зогсох ” нь ерөнхийлөгчийн албан тушаал дээр байх үеийнх нь эрхэм зорилгуудын нэг” хэмээжээ.
“Миний санаачилсан, Дээд Радын ээлжит бус сонгууль нь Украины улс төрийн тогтолцоог шинэчлэх явцыг хурдасгахад чиглэгдсэн. Тиймээс авлигатай тэмцэх ажлыг эрчимжүүлэх, авлигатай тэмцэх байгууллагуудыг үр дүнтэй ажиллах нөхцлийг хангах нь бидний ажлын чухал чиглэл юм. Түүнчлэн Оросын түрэмгийллийн эсрэг сөрөн зогсох нь эрхэм зорилтуудын нэг гэж би үзэж байна” хэмээн Украины Ерөнхийлөгч Зеленский мэдэгджээ.
Түүнчлэн Могерини, Туск нартай уулзах үеэрээ “Украин Европын холбоонд элсэх нь “Оросын их гүрний төсөлд үхлийн цохилт болно” хэмээсэн байна.
Г.Бямбасүрэн
Уншиж байна |