Монгол Улсын Ерөнхийлөгч Х.Баттулга зургаадугаар 12 буюу маргааш Киргизстан улсыг зорино. Тэрбээр тус улсад болох ШХАБ-ын дээд хэмжээний уулзалтад оролцох юм. ШХАБ-ын дээд хэмжээний уулзалтанд оролцох төрийн тэргүүнүүд тэдэнд зориулан бэлдсэн буудал, байшинд байрлана. Харин Монгол болон Энэтхэгийн ерөнхийлөгчид тусгайлан бэлдсэн байрнуудаас татгалзаж, хотын захад байрлахаа илэрхийлжээ.
Энэ удаагийн уулзалтад 11 орон буюу ОХУ, Казахстан, БНХАУ, Тажикистан, Узбекистан, Энэтхэг, Пакистанаас гадна Афганистан, Беларусь, Иран, Монгол зэрэг улсын төр засгийн тэргүүн оролцох аж.
Г.Бямбасүрэн