Энхтайваны өргөн чөлөө, Чингисийн өргөн чөлөө, Намянжүгийн гудамж, Нарны гүүр орчим, Их тойруугийн замын голоор 4820 м урт хашлагыг байршуулаад буй. Тус хашлагыг гаднаас худалдан авах бус дотооддоо үйлдвэрлэх боломжтой байсныг Монголын зохион бүтээгчдийн нэгдсэн холбооныхон хэлж байна.
Тус холбооны тэргүүн Ц.Цэрэндаш энэ тухай “Үндэсний метал хийц, хуванцар эдлэлийн компаниуд импортоор худалдан авсан үнээс 20-50 хувиар доогуур үнээр үйлдвэрлэн нийлүүлэх бүрэн боломжтой” байсныг хэлж байна.
Мөн тус холбооны гишүүн С.Шагдаржав “500 метрийн урттай шар хашааг 700 сая төгрөг худалдан авсан. Монголын хог хаягдлын дахин боловсруулах үндэсний холбооноос гишүүн байгууллагуудтай хамтран 200 сая төгрөгөөр хийх боломжтой байсан”-ыг хэлж байна. Тиймээс хашлага худалдаж авсан нь худалдан авах ажиллагааны хууль дүрэм зөрчсөн хэмээн үзэж, холбогдох албан тушаалтнуудад хариуцлага тооцуулахаар хотын дарга С.Амарсайханд хүсэлт хүргүүлж буйгаа тэд мэдээлэв.
Б.Энхжаргал
Уншиж байна |