Ерөнхий сайд асан М.Энхсайханыг АТГ-т сэжигтнээр баривчлаад байна. Тавантолгон хөрөнгө оруулалтын гэрээг боловсруулахдаа хууль бус үйлдэл гаргасан байх магадлалтай гэх үндэслэлээр баривчилсаныг АТГ-ын мэдээнд дурджээ.
Үүнтэй холбогдуулан УИХ-ын гишүүн асан Э.Бат-Үүл цахим хуудсандаа байр сууриа илэрхийлсэн байна. Тэрбээр “Ерөнхийлөгчийн тамгын газрын дарга З.Энхболд яаж зуудгаа харуулан М.Энхсайханыг цагдан хорьж байгаа юм байна! Улаан цайм ямар ч хуулийн үндэслэлгүйгээр хүнийг цагдан хорьж болдгийг М.Энхсайханаар зориуд харуулжээ ! З.Энхболд айлгана гэж бодоод байгаа юм байхдаа? Хуцлаа л байна!
АТГ, Энхсайханыг цагдан хорихдоо:хуулийг буруу хэрэглэсэн ч биш,хуулийг буруу ойлгосон ч биш,ерөөсөө хуулийг огт авч хэлэлцээгүй юм байна. Улстөрийн захиалгаар л ингэж цагдан хорьдог түүхтэй.Шинээр томилогдсон АТГ-ын захиалгат ажил эхэллээ! Шинэ томилгоонуудын зорилго тодорно доо!" хэмээжээ.
АТГ-ын дарга, дэд дарга нарыг хаврын чуулганы эхэнд томилсон. Тэгээд ч Ерөнхий сайд асан М.Энхсайханыг УИХ-аар батлагдаагүй буцаагдсан төслөөр баривчилж, цагдан хорьсоныг олон нийт шүүмжилж байгаа юм.
Н.Энх