УБТЗ ХНН-ийн дарга асан Л.Пүрэвбаатарын 1.4 тэрбумын үнэтэй хаусыг албадан чөлөөлөхөөр, өнөөдөр битүүмжиллээ. 2019 оны 05 дугаар сарын 16-ны өдөр Дээд шүүхийн шийдвэр гарч, тус хаусыг албадан чөлөөлөх шийдвэрийг баталгаажуулжээ. Энэ дагуу шүүхийн шийдвэр гүйцэтгэгчид өнгөрсөн баасан гаригт хаусыг албадан чөлөөлөх байсан ч өнөөдрийг хүртэл хойшилсон юм.
УБТЗ ХНН залуу ажилчдадаа орон сууцны хөнгөлөлт болгон 4 сая төгрөг өгдөг аж. 1.4 тэрбум төгрөгийн үнэтэй энэ хаус 371 залуу төмөр замчин орон сууцны урьдчилгаа болгон өгөх боломжтой юм байна. Ингэхийн тулд шүүхийн шийдвэр гүйцэтгэсний дараа УБТЗ-ынхан ТӨБЗГ-тай хамтран дуудлага худалдаа зохион байгуулж, тухайн хаусыг борлуулахаар төлөвлөжээ.
Харин тус байранд амьдарч байсан экс дарга Л.Пүрэвбаатар “Энэ хаусыг Монголын ард түмний хөрөнгөөр бус Оросын мөнгөөр худалдаж авсан” гэдгийг хэлж байна. Мөн тэрбээр “Би дансандаа 111 тэрбум төгрөгийн хөрөнгөтэйгээр ажлаа хүлээлгэж өгсөн. Үүний 1-2 хувь болох 2 тэрбум төгрөгөөр шагная гэсэн. Би авахгүй гэсэн.
...Өмнөх дарга нар өндөр үнэтэй байр авсан. Миний амьдарч байгаа энэ байр бол наад захын жижиг компанийн захирлыг амьдардаг байр” гэх мэдээллийг өглөө.
Б.Болд