АН-аас цаг үеийн асуудлаар мэдээлэл хийлээ. АН-ын нарийн бичгийн дарга О.Магнай:
-Иргэдийн санаачлагаар хийсэн жагсаал цуглааныг АН дэмжсэн. Хамгийн харамсалтай нь энэ бүх тэмцлийг эрх баригчид ойшоосонгүй. Ямар нэг албан тушаалтан хариуцлага хүлээхгүй боллоо. ГХЯ-ны дипломатууд 70 кг хар тамхи зөөж байгаад баригдсан. Энэ нь Германы түүхэнд дипломатууд хамгийн их хэмжээний хар тамхи зөөсөн ноцтой хэрэг. Д.Цогтбаатарыг өндөр боловсролтой, манай нийгэмд байгаа эрүүл хүн гэж хардаг. Гэтэл хариуцлага хүлээсэнгүй.
Шударга ёсыг тогтоох гэж сэлэм эргүүлж байгаа том дарга нь хүртэл сайдуудаа хамгаалж үлдэхээр болжээ.
Эрүүл мэндийн сайдын тэмбүүтэй тэмцэнэ гэсэн хариуцлагагүй мэдээллээс болж аялал жуулчлалын компаниудын 20 хувь нь аялалаа цуцалж байна. Хариуцлагагүй мэдэгдлээс болж жуулчдаа алдлаа. Дээрээс нь нэмээд сүрьеэтэй холбоотой асуудал дээр ямар нэг арга хэмжээ авахгүй, замхруулаад дуусч байна.
АН нэг жагсаалыг 40 сая төгрөгөөр хийгээгүй. Нийгэмд шийдвэрлэх асуудал их байхад ХЗДХ-ын сайд Ц.Нямдорж хариуцлагагүй ажиллаж байна. Цагдаагийн байгууллага асуудалд хариуцлагатай хандах ёстой. Жагсаал цуглааныг хүч хэрэглэн хориглож, Жагсаал цуглааны журмыг өөрсдийнхөөрөө тайлбарлаж байна. Жагсаал цуглааныг мэдэгдэл хийгээд жагсдаг болсон хэмээлээ.
Уншиж байна |