Японы баруун өмнөд хэсэг дэх Кюсю арал дээр хэдэн өдрийн туршид хүчтэй аадар орж байгаа талаар NHK мэдээллээ. Үргэлжлэн орсон хүчтэй борооны улмаас зарим бүс нутгуудад долоодугаар сарын нормоос хэтэрсэн хэмжээний хур тунадас орсон тул орон нутгийн эрх баригчид болон цаг уурын байгууллагууд оршин суугчдыг үер, хөрсний гулгалтад бэлэн байхыг анхааруулжээ.
Мөн оршин суугчдыг хамгаалахын тулд Кагосима, Кирисима, Аира гэсэн гурван хотын 728 мянган оршин суугчийг нүүлгэн шилжүүлэх шийдвэр гаргасан байна.
“Долоодугаар сарын дөрөвний өдрийг хүртэл ширүүн бороо орж, байгалийн гамшиг нүүрлэх аюул өндөр байна. Оршин суугчид амь насаа хамгаалах тал дээр ухамсартай хандаж, орон нутгийн захиргаа болон цаг уурчдын мэдээллийг цаг алдалгүй олж аван, онц байдлын түгшүүрийн дохио хүлээлгүйгээр аюултай бүс нутгаас нүүхийг хүсч байна” хэмээн Японы цаг уурын газраас мэдэгджээ.
Г.Бямбасүрээ
Уншиж байна |