Нийслэлийн Захиргааны хэргийн давж заалдах шатны шүүхийн шүүгч С.Төмөрбатыг хилээр гарсан тухай мэдээлэл байсан. Ерөнхийлөгч зарлиг гаргаж 17 шүүгчийн бүрэн эрхийг түдгэлзүүлсний нэрс дотор С.Төмөрбатын нэр байсан юм. Тэгвэл өнөөдөр /07.04/ түүнийг АНУ-ын хил дээр их хэмжээний ам.доллартай саатуулагдлаа гэсэн мэдээлэл цацагдаж эхлэв. Мөн АНУ-аас цагаачлал хүссэн гэх мэдээлэл ч байна.
С.Төмөрбат нь гэр бүлийн хамт Сэлэнгэ аймаг дахь Алтанбулаг боомтоор хил давж, ОХУ руу ороод тэндээсээ АНУ руу явсан байна. Түүнийг Салхитын мөнгөний ордын хэрэгт холбогдон ШШГЕГ-ын харьяа Цагдан хорих 461-р ангид саатуулагдаж байхдаа нас барсан гавьяат хуульч Л.Бямбаа агсны хүү гэдгийг мэдэх бөгөөд түүнийг үндэслэлгүйгээр хөрөнгөжсөн шүүгч хэмээн шалгаж эхэлжээ.
Эх сурвалж:www.polit.mn
Т.САЙХАН