АНУ-ын Төрийн нарийн бичгийн дарга Майкл Помпео Үндэсний баяр наадмын өдрийг тохиолдуулан Монголын ард түмэнд мэндчилгээ дэвшүүлжээ.
Энэ мэндчилгээндээ тэрбээр Үндэсний баяр наадмын мэнд хүргэсний дээр Монголын ард түмэнд сайн сайхныг хүссэн байна.
Түүнчлэн АНУ, Монголын хамтын ажиллагаа цаашид өргөжинө гэж найдаж байгаагаа илэрхийлжээ.
“Долоодугаар сарын 11-нд болох Наадмын нээлтийн өмнө АНУ-ын Засгийн газрын өмнөөс Монголын ард түмэнд сайн сайхныг ерөөж байна. АНУ болон Монгол улс хүний эрх, ардчилал, эрхзүйг дээдлэх зарчим дээр тулгуурласан бат бэх түншлэлийг бий болгосон. Бид 30 гаруй жил дипломат харилцаатай байгаагаараа бахархахын дээр Энэтхэг-Номхон далайн бүс нутаг дахь гуравдагч хөрш, түншүүдийн ёсоор хоёр орны хоорондын харилцаа гүнзгийрнэ гэж найдаж байна. Монголын ард түмэн та бүхэн сайхан наадаарай” хэмээн Америкийн Төрийн нарийн бичгийн даргын мэндчилгээнд өгүүлжээ.
Г.Бямбасүрэн
Уншиж байна |