Зургаадугаар сарын дундуур Хойд Солонгосын удирдагч Ким Жон Ун БНХАУ-ын дарга Ши Жинпинтэй уулзах үеэрээ “өнөөгийн эдийн засгийн хориг арга хэмжээнүүдийг цуцлах биш харин төрийн байгууллыг хэвээр хадгалах нь Пхеньяны хувьд нэн тэргүүний ач холбогдолтой” хэмээн онцолсон талаар Японы Yomiuri сонин дипломат албанаас авсан эх сурвалжтайгаар мэдээлжээ.
“Бид хориг арга хэмжээг цуцлуулах талаар нэг их чухалчилахгүй байна. Одоо хамгийн чухал нь манай улс төрийн системийн аюулгүй байдлыг хангах явдал юм” хэмээн Ким Жон Ун мэдэгдсэн байна.
Түүнчлэн дээрх уулзалтын үеэр Ким Жон Ун Вашингтонтой хийх цөмийн зэвсэггүй болгох хэлэлцээрийн явцыг хэвийн болгохыг дэмжиж байгаагаа илэрхийлсний дээр АНУ дайсагнасан бодлогоо зогсоож, БНАСАУ-ын төрийн байгууллыг хэвээр хадгалахын чухлыг хүлээн зөвшөөрвөл Пхеньян цөмийн зэвсэгтэй байх шаардлагагүй гэдгийг онцолжээ.
Ши Жинпин энэ байр суурийг дэмжиж байгаагаа илэрхийлээд гуравдагч орнууд оролцож эсвэл цэргийн замаар БНАСАУ дахь эрх баригчдыг солихын эсрэг Хятад улс зогсоно хэмээн мэдэгдсэн байна.
Г.Бямбасүрэн
Уншиж байна |