Долоодугаар сарын 12-ны өдөр Буриадад “Нүүдэлчдийн дуу хоолой” олон улсын хөгжмийн XI наадам эхэлсэн талаар Буриад улсын Соёлын яамны хэвлэлийн алба мэдээллээ.
Наадамд Орос, Гүрж, Хятад, Монгол, Энэтхэг, Казахстан, Өмнөд Солонгос улсаас ирсэн 30 гаруй хамтлаг уран бүтээлээ толилуулах юм байна.
Монгол улсаас RесОn, UulUs band, REDLINE хамтлагууд оролцож байгаа аж.
Энэхүү арга хэмжээ Буриадын нийслэл Улаан-Үд хотоос 50 км зайд байх Ацагат суурин дахь “Талын нүүдэлчин” жуулчны цогцолборт болох бөгөөд энэ сарын 14-нийг дуустал үргэлжилэх юм байна.
Урлагийн тоглолтуудаас гадна хотын хамгийн шилдэг зоогийн газруудын хоолны үзэсгэлэн худалдаа, гар урлалын хувцас, бэлэг дурсгалын үзэсгэлэн, спортын арга хэмжээнүүд, түүнчлэн Буриадын ардын урлагийн хамтлагуудын хөтөлбөрийг зохион байгуулахаар бэлджээ.
Г.Бямбасүрэн
Уншиж байна |