Видео:  Бе-200 онгоц Сибирийн түймрийг унтрааж байгаа бичлэг цацагджээ 
8-7

Сибирьт гарч буй ойн түймрийг унтраахад оролцож байгаа Бе-200 онгоц хэрхэн ажиллаж байгааг харуулсан дүрс бичлэг нийтлэгджээ. 


Энэ бичлэгт Бе-200 онгоц усаа авсны дараа, түймэр унтраахаар нисч байгааг харуулжээ. 


“Авиалесоохрана” холбооны удирдах газрын мэдээлснээр Сибирийн нутаг дэвсгэр дээр 456 галын голомт үргэлжлэн ассаар байгаа гэнэ. Мөн байгалийн түймрийн бүхий л голомтууд дээр нийтдээ 1174 тонн ус асгажээ. 


Бе-200 онгоцны тухай товчхон: 

  • Бе-200 нь Эрхүүгийн нисэх онгоцны үйлдвэрт үйлдвэрлэгддэг Оросын онгоц-амфиби/нисдэг завь/ юм. 
  • Энэ онгоц нь олон зориулалтынх бөгөөд газраас болон усны гадаргуун дээрээс хөөрөх чадвартай. 
  • Гал унтраах, эрэн хайх аврах ажиллагаа, усны гадаргуун хамгаалалт, экологийн зорилгууд, зорчигч болон ачаа тээвэрлэх зэрэгт ашиглагддаг. 
  • Экипажийн бүрэлдэхүүн 2 бөгөөд 43 хүртэлх тооны хүнийг тэээрлэх чадвартай. 
  • Урт нь 32,05 м, далавчны урт 32,70 м, жин 28 мянган кг,  7000 метрийн өндөрт цагт 700 км хурдлах чадвартай. 
  • Хөөрөх хурд 220 км/цаг, газардах үеийн хурд 195 км/цаг, ус авах үеийн хурд 180-200 км/цаг. 
  • 12 тонн ус нэг удаад савандаа хийдэг. 

Г.Бямбасүрэн

Shuud.mn
Сонин хачин