АНУ-ын Батлан хамгаалахын сайд Марк Эспер манай улсад албан ёсны айлчлал хийж буй. Түүнийг Батлан хамгаалахын сайд Н.Энхболд угтан авч, хоёр улсын холбогдох албаныхан оролцон, албан ёсны уулзалт хийлээ. Уулзалтын дараа сайд нар Батлан хамгаалахын төв өргөөгөөр зочилж, бүх цэргийн их хар сүлдэнд хүндэтгэл үзүүлэв.
Мөн Пентагоны тэргүүн Марк Эсперт морь бэлэглэж, Батлан хамгаалахын сайд Н.Энхболд морины цулбуурыг гардууллаа. Марк Эспер “ ... Намайг хүндэтгэж морь бэлэглэсэнд би маш их баяртай байна. Энэ морийг манай улсын эрэлхэг генерал Жеорж Маршалын нэрээр нэрлэе. Учир нь тэр хүн Дэлхийн II дайны дараа Хятад улсад цэргийн үйл ажиллагаанд оролцож байхдаа монгол адуу унаж байсан түүхтэй” хэмээн хэллээ.
Б.Болд
Уншиж байна |