Сэрэмжлүүлэг: Долоо хоногт 14 хүн зам тээврийн ослоор хорвоог орхив
8-12
Гэрэл зургийг MPA.mn

 

Тээврийн цагдаагийн албаны Жижүүрийн шуурхай удирдлагын хэлтэст өнгөрсөн долоо хоногт /2019.08.05-2019.8.08/ нийт 1218 дуудлага ирснээс зам тээврийн ослын шинжтэй 769 дуудлага, мэдээллийг хүлээн авч, шалгалтын ажиллагаа явууллаа. Бүртгэдсэн осол хэргийн улмаас нийслэлд 25 хүн гэмтэж, ноцтой зам тээврийн ослын улмаас нийслэлд 3, орон нутагт 11 хүний амь нас хохирсон байна.

 

Дээрх зам тээврийн ослын улмаас 4 хүүхэд бэртэж, 2 хүүхдийн амь нас хохирсон байна. Гэмтсний хүүхдүүд эцэг эхийн хамт гарцгүй газраар зам хөндлөн гарч байсан бол нас барсан 2 хүүхэд 0.5 болон 0.8 настай, зорчигч хэлбэрээр хөдөлгөөнд оролцсон.

 

Ноцтой зам тээврийн ослоос дурьдвал:

 

2019.08.05-ны өдрийн 13.10 цагийн орчим Завхан аймгийн Их-Уул сумын Үржил 2-р баг “Гүнжийн хясаа” гэх газар /Сумын төвөөс баруун тийш 12км/ асфальтан замд Toyota Camry Л жолоочтой автомашин онхолдож жолооч 39 настай, эрэгтэй Л нас барсан.

 

2019.08.05-ны өдрийн 21.35 цагийн орчим Сүхбаатар аймгийн Түвшинширээ сумын 5-р багийн “Өгөөмөр” гэх газар /Сумын төвд/ шороон замд амины Kia Frontier автомашины жолооч Б нь Даюун маркийн улсын дугааргүй мотоциклтой мөргөлдөж жолооч 61 настай, эрэгтэй Ж нас барсан.

 

2019.08.05-ны өдрийн 14.30 цагийн орчим Булган аймгийн Рашаант сумын 4-р баг “Бөргөцөгийн ар” гэх газар /Аймгийн төвөөс  урагшаа 230 км/  асфальтан замд Toyota Prius автомашины жолооч Ц нь Toyota Harrier  Б жолоочтой автомашинтай мөргөлдөж жолооч 57 настай, эмэгтэй Ц, зорчигч 69 настай, эрэгтэй Т, 47 настай, эмэгтэй Ө нарын 3 хүн нас барж, жолооч Б, зорчигч Ч нарын 2 хүн гэмтсэн

 

2019.08.05-ны өдрийн 23.29-цагийн орчимд СБД-н 15 дугаар хороо  “Сод Монгол” ШТС-ын хойд замд Toyota Prius маркийн автомашины жолооч Х нь  явган зорчигч 48 настай, эрэгтэй М-г мөргөж амь насыг нь хохироосон.

 

2019.08.06-ны 14.00 цагийн орчимд  Төв аймгийн Баян-Өнжүүл сумын Бараат 1-р баг “Далайн гол” гэх газар /сумын төвөөс зүүн урагш 119км/ асфальтан замд Toyota Prius автомашины жолооч  Б нь Toyota Corolla Axio Э жолоочтой автомашинтай мөргөлдөж, зорчигч  41 настай, эрэгтэй Г, 53 настай, эрэгтэй Г, 27 настай, эмэгтэй Э, 0.5 сартай, эмэгтэй У нарын 4 хүн нас барсан

 

2019.08.06-ны 21.17 цагийн орчимд  СХД-н 11 дүгээр хороо Баянхошууны зам, Хонхорын гудамж амины Hyundai Grace С  жолоочтой автомашин өнхөрч, явган зорчигч 52 настай, эрэгтэй М-г мөргөж амь нас хохирсон.

 

2019.08.06-ны 23.03 цагийн орчимд СХД-н 22 дугаар хороо   Найрамдлын зам, Орбитын шинэ эцсийн автобусны буудлын урд замд Hyundai Aero City автобусны жолооч Г нь  явган зорчигч 55 настай, эмэгтэй Т-г мөргөж амь насыг нь хохироосон. 

 

2019.08.08-ны өдрийн 18.50 цагийн орчим Хөвсгөл аймгийн Галт сумын Рашаант 3-р багийн “Хуурайн ам” гэх газар /Сумын төвөөс урагшаа 4 км/ шороон замд  Toyota Land Cruiser-200  З жолоочтой автомашин онхолдож зорчигч 28 настай, эмэгтэй,  Ш,  8 сартай, эрэгтэй/ Х нарын 2 хүн нас барсан хэргийг Хөвсгөл аймгийн Цагдаагийн газар шалгаж байна

 

2019.08.08-ны өдрийн 21.30 цагийн орчим БЗД-н 6 дугаар хороо  Манлайбаатар Дамдинсүрэнгийн гудамж, “Намнаач” төвийн хойд замд Toyota Prius автомашины жолооч Э нь явган зорчигч 62 настай, эмэгтэй Э-г мөргөж  амь насыг нь хохироосон.

 

Энэ 7 хоногт хүн гэмтсэн нийт ослыг хэлбэрээр авч үзвэл явган зорчигч мөргөж  гэмтээх хэлбэрээр 19, мөргөлдөх хэлбэрээр 4 тус тус бүртгэгдсэн байна.

 

Зам тээврийн ослын улмаас гэмтэж бэртсэн хүмүүсийн 8 нь архи согтууруулах ундааны зүйл хэрэглэсэн үедээ замын хөдөлгөөнд оролцсны 3 жолооч, 5 явган зорчигч байсан байна. 

 

Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 149 жолоочийг илрүүлэн эрхгүй үедээ согтуугаар тээврийн хэрэгсэл жолоодсон 21 хүнийг шүүхээр баривчилж хуулийн дагуу хариуцлага тооцсон байна. 

 

Энэ 7 хоногт бүртгэгдсэн зам тээврийн осол, хэргийг өмнөх 7 хоногийн нөхцөл байдалтай харьцуулахад нийт дуудлага мэдээлэл 26,2 хувиар, зам тээврийн ослын шинжтэй дуудлага 20,7 хувиар, гэмтсэн хүний тоо 13,6 хувиар, зам тээврийн ослын улмаас нас барсан  хүний тоо 4 дахин   өссөн байна.

 

ХҮҮХДҮҮД ЭЦЭГ, ЭХТЭЙГЭЭ ХАМТ ЗОРЧИЖ БАЙХДАА ХАМГИЙН АЮУЛГҮЙ ГЭЖ БОДДОГ Ч ТЭДНИЙ БУРУУ ҮЙЛДЛЭЭС  БОЛЖ АМЬ НАС, ЭРҮҮЛ МЭНДЭЭРЭЭ ХОХИРОХ НЬ ИХСЭЖ БАЙНА. Иимд эцэг, эх та бүхэн хүүхэддээ тавих хараа хяналтаа сайжруулахыг ТЭЭВРИЙН ЦАГДААГИЙН АЛБА-аас анхааруулж байна.

 

Эх сурвалж: ТЦА

Shuud.mn
Сонин хачин
Ээ бурхаан.,7 ч биш 3- хан хоногийн дотор бнашдээ.,ямар их осол болж ямар олон хүн амь насаа алдаа вэ.,манай улс хичнээхэн хүн амтай билээ..харьцуулаад боддоо таминь ээ.,тэхэд бусад хэдэн зуун сая хүн амтай улс гүрнүүд яаж аваар осол багатай болоод бна....хөдөөгийн замд ч гэсэн хурд хэтрүүлэхгүй дүрмээ зөрчихгүй бвал осол бараг л гаоахгүй ш дээ...машин гэдэг морь биш...хотоос гарангуут морь шиг давхихаа больчих л доо
2019-08-13
ганаа:
Өмнөговь явж байсан Алфард унасан сураг байсан мэдэгдээгүй юм байхдаа.
2019-08-12
зочин:
замын цагдаатай болох юмсан.
2019-08-12