Согтуугаар дугуй унаж явсан 15 настай хүү осолд өртжээ
8-14

Тээврийн цагдаагийн албаны Жижүүрийн шуурхай удирдлагын хэлтэс 2019.08.13-ны өдөр нийт 258 дуудлагыг хүлээн авснаас зам тээврийн ослын шинжтэй 177 дуудлага, мэдээллийг хүлээн авч, шалгалтын ажиллагаа явууллаа. Бүртгэдсэн осол, хэргийн улмаас нийслэлд 9 хүн гэмтэж бэртсний 4 нь хүүхэд байна.

 

Тухайлбал 2019.08.12-ны өдрийн 17 цаг 50 минутын орчимд Баянзүрх дүүргийн 26 дугаар хороо Их монгол улсын  гудамж, “Мандала” хотхоны урд замд Тоёото приус маркийн автомашины жолооч С нь унадаг дугуй унаж явсан 15 настай, эрэгтэй Б-тэй мөргөлдсөн осол гарчээ. Осол гарах үед унадаг дугуй унаж явсан Б нь согтууруулах ундааны зүйл хэрэглэсэн байсан нь цагдаагийн байгууллагын шалгалтын явцад тогтоогджээ.

 

Сүүлийн үед явган хүний гарцаар гарч буй явган зорчигч нарыг мөргөж гэмтээх зам тээврийн осол ихсэж байгаа  тул иргэд, жолооч та бүхэн замын хөдөлгөөний дүрмийг биелүүлж, хөдөлгөөнд соёлтой оролцонохыг Тээврийн цагдаагийн албанаас анхааруулж байна.  

 

МОНГОЛ УЛСЫН ЗАМЫН ХӨДӨЛГӨӨНИЙ ДҮРЭМ

 

 13. Явган хүний гарц нэвтрэх

 

13.1. Явган хүний зохицуулдаггүй гарц руу ойртон ирсэн жолооч хурдаа хасаж, хэрэв явган зорчигч уг гарцаар явж байвал зам тавьж өгнө.

 

13.2. Зөвшөөрсөн гэрэл дохио асах үед жолооч явган хүний гарцыг нэвтрэхдээ зорчих хэсгийг хөндлөн гарч амжаагүй яваа (аюулгүйн зурвастай тохиолдолд түүнийг өнгөрч яваа буюу түүнд хүрээгүй яваа) явган зорчигчид зам тавьж өгнө.

 

13.3. Явган хүний гарцын өмнө тээврийн хэрэгсэл зогссон буюу хурдаа хасаж байвал араас нь ирсэн жолооч түүний урдуур зам хөндлөн гарч яваа явган зорчигч байхгүйг бүрэн мэдсэнийхээ дараа хөдөлгөөнөө үргэлжлүүлнэ.

 

13.4. Жолооч замын аль ч хэсэгт хараагүй хүн (цагаан таяг барьсан)-ийг урьдчилан өнгөрүүлнэ.

 

13.5. "Хүүхэд тээвэрлэж яваа тээврийн хэрэгсэл" гэсэн таних тэмдэг бүхий тээврийн хэрэгсэл зогсож байвал ойртон ирсэн жолооч хурдаа хасаж анхаарал болгоомжтой явах шаардлагатай бөгөөд зайлшгүй шаардлага гарвал зогсож хүүхдүүдийг урьдчилан өнгөрүүлнэ.

 

13.6. Жолооч явган хүний гарц дээр тээврийн хэрэгслээ зогсоож болзошгүй саад тохиолдсон үед гарц руу орохыг хориглоно гэсэн заалтыг

 

Эх сурвалж: Тээврийн цагдаагийн алба

Shuud.mn
Сонин хачин
Гэгээрүүлэгч:
1дүгээрт:Дугуй унах хүн Замын хөдөлгөөний дүрмээр, жолоодлогоор шалгалт өгч жолооны үнэмлэх, эрх авч байж зам тээврийн хөдөлгөөнд оролцох ЖУРАМтай болох хэрэгтэй./гэрийнхээ хашаанд дугуй унаж тоглохоос тэс ондоо зүйл учир/ Олон сая хүн амтай, өндөр хөгжилтэй ХОТууд бүгд ийм журамтай. 2дугаарт: Гэрэлтүүлэгчтэй майк, ханцуйвч өмсөж замын хөдөлгөөнд оролц. Зориулалтын хамгаалалттай каск малгай өмс /Өөрсдийн амь нас, аюулгүй байдлаа хамгаалж/ ӨНДӨР ХӨГЖИЛТЭЙ БУСАД ОРОНД бага насны хүүхдүүдэд нь хүртэл үүнийг хичээл дээр нь болон дугуйлан сургалтаар зааж сургаж, тест шалгалт авдаг юм бн лээ
2019-08-14
зочин:
Сүүлийн үед машинд гэхээсээ илүү явган зам дээр дугуйнд дайруулчих гээд байх боллоо, явган хүний зам юм уу, дугуйн зам юм уу ойлгохоо болилоо
2019-08-14
15 настай согтуу???!!!!
2019-08-14