Филиппиний гоо бүсгүй Катриона Грэй Монголд ирнэ
2019-08-15

67 дахь удаагийн “Miss Universe” тэмцээний ялагч Филиппин улсын гоо бүсгүй КАТРИОНА ГРЭЙ энэ сарын сүүлээр Монгол улсад хүрэлцэн ирэхээр болжээ.

 

 

Тэрээр дэлхийн хамгийн үзэсгэлэнтэй бүсгүйчүүдийн жагсаалтыг тэргүүлж эхэлсэн бөгөөд богино хугацаанд Инстаграм хуудас нь 6.4 сая, Фэйсбүүк хуудас нь 1.6 сая дагагчтай болж нэр алдар нь олон улсад түгээд байна.

 

Чансаагаараа тэргүүлэгч “MISS UNIVERSE” тэмцээнд өнгөрсөн жилээс Монгол улс оролцож эхэлсэн. Тэгвэл эх орноо төлөөлөх хоёрдахь гоо бүсгүйг тодруулах ёслолын ажиллагаанд КАТРИОНА ГРЭЙ зочноор оролцох гэнэ.

 

Мөн JCI Progress байгууллагаас хэрэгжүүлж буй “Тэргэнцэртэй баатрууд” төслийн хүмүүнлэгийн ажилд гар бие оролцохоор болжээ. Энэ төсөл нь 2020 оны Токиогийн паралимпийн наадамд оролцох тэргэнцэртэй туялзуур сэлэмний спортын тамирчдыг дэмжих зорилготой юм байна. Энэ тухай “Miss Universe Mongolia” тэмцээний Үндэсний захирал Ж.Анхбаяр тун удахгүй албан ёсны мэдэгдэл хийхээр төлөвлөжээ.

 

Өдгөө 25 настай Катриона Грэй нь “Ертөнцийн мисс” цолыг хүртсэн дөрөв дэх Филиппин бүсгүй юм. Одоо тэрээр бие хамгаалагч, хувийн туслахтай болж Нью-Йорк хотноо тансаг зэрэглэлийн орон сууцанд амьдарч байна. Мөн “Miss Universe” байгууллагаас 250 мянган ам.долларын шагнал хүртэж, шоу бизнесийн бүхий л томоохон үйл ажиллагаанд урилгаар оролцож байгаа юм.

 

Г.Сүрэн

Shuud.mn
Сонин хачин
иргэн:
Манайд ирж яах гэж, болсон болоогүй хүн урьж татвар төлөгчдийн мөнгийг барав.
2019-08-19