Сүүлийн жилүүдэд Польшид Зөвлөлтийн 427 хөшөө дурсгалыг устгасан, 561 хөшөөнөөс 134 үлдсэн эгж тус улсад суух Оросын элчин сайд Сергей Андреев өгүүлжээ.
2017 онд Польш улс хуулинд нэмэлт өөрчлөлт оруулснаар “коммунизмыг сурталчилж ” байгаа хөшөө дурсгалууд, түүнчлэн цэргийн оршуулгын нутаг дэвсгэрээс гадна байгаа хөшөөг 2018 оны тавдугаар сарын 31 хүртэл хугацаанд олон нийтийн газраас зайлуулах ажил эхлэсэн юм.
Польшид тус улсыг Улаан арми чөлөөлсөн гэдгийг үгүйсгэх үзэл нэмэгдсэн бөгөөд тиймдээ ч түүхэн асуудлаар Варшавтай хамтран ажиллах боломжгүй болсон талаар Андреев ярьсныг Известия дамжууллаа.
“Польшийн эрх баригчид Оросын талын эсэргүүцлийг илтэд үл хайхардгийн дээр хөшөө дурсгалуудыг буулгаж дууссаны дараа асуудал нэг мөр хаагдана гэж үзэж байгаагаа нуудаггүй” хэмээн элчин сайд ярьсан байна.
Түүнчлэн Зөвлөлтийн чөлөөлөгч дайчдад зориулсан хөшөөнүүдийг ч Польш улс “коммунизмыг сурталчилж байгаа” гэсэн ангилалд багтаасан гэнэ.
“Польшийн өнөөгийн түүхийн бодлогоор бол Зөвлөлтийн дайчид Польшийг чөлөөлөөгүй харин эзлэн түрэмгийлсэн, үүнийг нь хөшөө дурсгалууд билэгддэг гэж үздэг” хэмээн Андреев өгүүлжээ.
Г.Бямбасүрэн