“Үндэсний төв цэнгэлдэх хүрээлэн” байгуулах зураг төслийн уралдааны ялагч тодорлоо
8-23

 

Нийслэлийн Засаг дарга бөгөөд Улаанбаатар хотын Захирагч С.Амарсайхан өнөөдөр “Үндэсний төв цэнгэлдэх хүрээлэн” байгуулах төслийн концепц, загвар зураг төсөл боловсруулах уралдаанд тэргүүлсэн аж ахуй нэгжүүдэд өргөмжлөл, батламжийг нь гардуулан өглөө.

 

Уралдаанд ирүүлсэн бүтээлийг үндэсний түүхэн онцлог, уламжлалт хэв шинж, ахуйн амьдрал болон ирээдүйн хөгжлийн чиг хандлагыг тусгасан байдлаар нь шалгаруулж иргэд олон нийтээс санал авчээ. Нийт 24295 иргэн санал өгснөөс 84.6 оноогоор “Хаус Дизайн” ХХК “Хийморь цогцолбор” бүтээлээрээ тэргүүн байрт, 78.6 оноогоор “Монгол Архитектур Дизайн” ХХК “Голомт” бүтээлээрээ шагналт байр шалгарсан байна.

 

 

Нийслэлийн Засаг дарга бөгөөд Улаанбаатар хотын Захирагч С.Амарсайхан уралдаанд идэвх санаачилгатай оролцсонд талархал илэрхийлээд, цаашид нийслэл хотод хэрэгжүүлэх нийтийн эзэмшлийн  томоохон төсөл хөтөлбөрүүдэд иргэд, олон нийтийн дунд уралдаан зарлаж сонгон шалгаруулж иргэн аж ахуй нэгжүүдийн оролцоог хангаж ажиллахыг эрхэмлэнэ гэдгийг онцолсон юм.

 

 

“Үндэсний төв цэнгэлдэх хүрээлэн” байгуулах төслийн концепц, загвар зураг төсөл боловсруулах уралдаанд зураг төслийн мэргэжлийн байгууллага, хувь уран бүтээлчид, зураг төслийн оюутнуудын гэсэн нийт есөн баг бүтээлээ ирүүлсэн байна.

 

Уралдаанд ирүүлсэн бүтээлийн тэргүүн байр 20 сая төгрөг, шагналт байрын бүтээлийг 10 сая төгрөгөөр тус тус шагнаж урамшуулах захирамж гарсны дагуу өнөөдөр шилдэг бүтээлүүдэд шагналыг нь гардуулан өглөө. 

Эх сурвалж: Нийслэлийн ЗДТГ-ын Хэвлэл мэдээлэлтэй харилцах хэлтэс 

Shuud.mn
Сонин хачин
Зочин:
чанарын удирдлагын тогтолцоо iso 9001:2015 www.setsen.mn
2019-08-28
Zochin:
Niisleliin hot tuluvlultiin gazriin mergejiltnud ni iim zurag hj chadadguimu shal demii uraldaan zohioj iim yum hlgej bdag butehgui uls yumaa
2019-08-26
irgen:
Hiine shuudee haraal zuheleer hachir nemj baihaar saihan tsengeldehtei bolohiig eruuh heregtei bishuu. Hushuu nemeheer huruu nem gedeg ug bii.
2019-08-25
Зассс:
Яг энүүгээрээ тэгээд барьлаа юу гөлөгнүүд
2019-08-25
Цаас үйлдэж мөнгө хулгайлах нь монголын шилдэг арга.
2019-08-24
Zochin:
Nogoo l Erdenebileg shalgarsan bna sh de. Jenkogiin Tsonjin boldog, Maidar burkhanii tosliig kheregjuulegch. Onts goe yum bolokhgui yum bna da. Shalgaruulalt ch shudaraga bish bolj...
2019-08-24