БНСУ-ын Хууль зүйн яамны Цагаачлал, шилжилт хөдөлгөөний албаны дарга ноён Ча Гюү Гын тэргүүтэй төлөөлөгчид Монгол Улсад айлчилсан өнгөрсөн долоо хоногт айлчилсан. Айлчлалын үр дүнгийн талаар мэдээлэл хийлээ. Сүүлийн жилүүдэд БНСУ-ын ЭСЯ-нд виз өгөх иргэдийн тоо нэмэгдсэн. Ингэхдээ визний хариу өгч 90 хоногийн хугацаа урт байна гэж иргэд шүүмжилдэг.  Айлчлалын үеэр уг асуудлыг хөндсөн байна.

БНСУ-ын Элчин сайдын яамнаас виз мэдүүлэх журамдаа өөрчлөлт оруулжээ. Тухайлбал, ЭСЯ-ны Консулын орон тоог хоёроор нэмэгджээ. Виз мэдүүлэхэд тавигддаг таван сая төгрөгийн барьцааг цуцлахаар болжээ. Энэ талаар ГХЯ-ны Консулын газрын захирал Л.Мөнтүшиг  мэдээлэв. БНСУ-д зорчих визний журамд орсон өөрчлөлтөд:

-2012 оноос хэрэгжүүлж эхэлсэн боловч, виз мэдүүлэгчид ач холбогдол багатай гэж үзэж байгаа таван сая төгрөг байршуулах тогтолцоог хүчингүй болгож байна. Энэхүү таван сая төгрөг байршуулах нь монгол иргэдэд ихээхэн дарамт үзүүлж байсан. Үүний оронд сүүлийн 6 сарын дансны хуулгыг нотлох баримт болгоно.

-Хөдөлмөрийн гэрээгээр ажиллаж байгаа гэрээт ажилчдын гэр бүлийнхэн аялалын ангиллын виз мэдүүлдэг байсан. Ингэхдээ мөн таван сая төгрөг байршуулдаг байсан. Таван сая төгрөг байршуулах заалт хүчингүй болж байгаа учир Солонгост ажиллаж байгаа хүн сүүлийн таван сард гэр бүлрүүгээ шилжүүлсэн мөнгөн гуйвуулгыг харгалзана. Гэрээний хугацаа хүчин төгөлдөр байх хугацаа дуусгавар дөхөж байгаа бол гэр бүлийн хүн нь  хууль бус оршин суух магадлалтай гэж үзэж байгаа. Тиймээс гэрээний хугацааг харгалзана.

-Визний хариуг шуурхай өгөхөд харгалзана. Тиймээс Хур мэдээллийн системийг нэвтрүүлэхээр ярилцаж байгаа юм байна.  Хэрвээ хууль бус үйлдэл гаргасан тохиолдолд:

-ЭСЯ-наас тогтоосон виз мэдүүлэх бүрдүүлэлтийн хяналтыг чангатгана.

-Хур мэдээллийн системийг буруугаар ашигласан тохиолдолд журамд өөрчлөлт оруулна.

-Виз мэдүүлэгч татгалзсан хариу авсан өдрөөс хойш 6 сарын дараа дахин хандаж болно.

Дээрх визний өөрчлөлтийн хэрэгжилт ирэх 10дугаар сараас мөрдөгдөх аж. 

Н.Энх