БНАСАУ шинэ шумбагч хөлөгт зориулсан баллистик пуужин туршихаар бэлтгэж байж болзошгүй хэмээн Вашингтон дахь Стратеги, олон улсын судалгааны төвийн шинжээчид мэдэгджээ.
Шинжээчдийн өгүүлснээр, наймдугаар сарын 26-нд авсан гэрэл зургууд нь “баллистик пуужин тээвэрлэх чадвартай шинэ шумбагч хөлөг онгоц бүтээж байгааг ” гэрчилж байгаа гэнэ. Түүнчлэн “туршилтанд бэлтгэж байж болзошгүй нотлох баримтууд ” –ыг шинжээчид олж авчээ.
“Гэрэл зураг дээр хөлөг онгоц, кран зэрэг дүрслэгдсэн нь шумбагч хөлөг онгоцны баллистик пуужинг туршихаар хөлгийг зөөвөрлөхөд бэлтгэж байж болзошгүйг харуулж байгаа ч энэ нь ойрын үед болно гэдгийг батлах баримт одоогоор алга байна” хэмээн илтгэлд онцолжээ.
Өмнө нь БНСУ-ын Батлан хамгаалах яам мэдэгдэл хийхдээ БНАСАУ-ын шинэ шумбагч онгоц нь гурван баллистик пуужин тээвэрлэх чадвартай гэж онцолж байлаа. Мөн шинэ шумбагчийг ойрын үед туршиж магадгүй гэж Өмнөд Солонгос таамаглаж байв.
Г.Бямбасүрэн
Уншиж байна |