Хийморийн дарцаг хатгахад сайн
8-30

Өнөөдөр аргын тооллын 2019 оны наймдугаар сарын 30. Баасан гараг. Билгийн тооллын XVII жарны "Урвуулагч" хэмээх шороон гахай жилийн Намрын тэргүүн хар бич сарын 30. Билгийн тооллын битүүн. Сугар гараг. Их морь одтой, хоёр хар мэнгэтэй шарагчин гахай өдөр.

 

Өдрийн наран 6 цаг 06 минутад мандан, 19 цаг 37 минутад жаргана. 18:38 цагт сар битүү болно. Тухайн өдөр хонь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

 

Эл өдөр гэмтнийг шийтгэх, хулгай дээрмийг номхотгох, хараал, жатхыг буцаах, нялхасын хурим хийх, хийморийн дарцаг хатгахад сайн. Газар ухах, худаг гаргах, уул овоо тахихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.  

Shuud.mn
Сонин хачин