Ойрын 100 жилд Сахарын цөл ногоон, бороо ихтэй болох бөгөөд энэ нь дэлхийн дулаарлын үр дүнд манай гаригийн агаарын хэм Цельсийн шаталбараар хоёр хэм нэмэгдэхтэй холбоотой гэж Герман болон АНУ-ын цаг уур судлалын мэргэжилтнүүд мэдэгджээ.
Өдгөө дэлхийн хамгийн хуурай, амьд амьтангүйд тооцогддог Сахарын цөл байнга ийм байгаагүй, түүхий тодорхой хугацаанд ургамал амьтантай байсан ч цаг уур өөрчлөгдснөөр өнөөгийнх шиг хуурай, халуун газар болсон хэмээн цаг уурчид таамаглаж байгаа юм байна.
Харин дэлхийн дулаарал өөрчлөгдөхгүй бол энэ нь Сахарын цөлийн өмнөд хэсэгт байх Сахель бүсд таатайгаар нөлөөлнө гэж эрдэмтэж үзжээ. Эрдэмтдийн бэлтгэсэн цаг уурын загварчлалуудаас харахад дэлхийн дулаарлын улмаас манай гаригийн олон хэсэгт ган гачиг нүүрлэх бол Сахельд эсрэгээрээ үржил шимтэй, хөдөө аж ахуйд тохиромжтой бүс нутаг үүсэх гэнэ. Энэ нь Африкийн эргүүдийн орчимд бороо салхины үүлсийн хөдөлгөөн өөрчлөгдөхтэй холбоотой бөгөөд Сахельд их хэмжээний чийг, хур тунадас унах магадлалтай аж.
Эрдэмтдийн таамагласнаар, дэлхийн дундаж температур зохих “хязгаар”-ыг давбал Сахель ердөө тавхан жилийн дотор ногоорох аж. Харин дэлхийн дулаарлын хэм энэ байдлаар үргэлжилвэл XXI зууны сүүл гэхэд Сахелийн цаг уур, орчин өөрчлөгдөх магадлалтай гэнэ.
Г.Бямбасүрэн
Уншиж байна |