Хонгконгийн захиргаа нийгэмд эсэргүүцэл, эмх замбараагүй байдал дагуулсан, ББНХАУ руу сэжигтэн шилжүүлэх тухай хуулийн төслийг нэг мөр эргүүлэн татна гэж мэдэгдсэн ч энэ хотод эсэргүүцлийн давалгаа намжихгүй байна. 

Өнгөрсөн ням гаригт Хонгконгийн жагсагчид АНУ-ын төрийн дуулал дуулж, энэ хотыг Бээжингийн хяналтаас “чөлөөлөх”-д АНУ-ын туслахыг уриалсан зурагт хуудас барин, Америкийн Ерөнхий консулын гадуур өнгөрч, дипломатуудад хүсэлт гарган өгчээ. 

Энэ жагсаал тайван болж өнгөрсөн бөгөөд цагдаагийнхан гагцхүү хяналт тавин ажилласан байна. 

Харин үүний өмнө болсон олон нийтийг хамарсан жагсаалын үел цагдаа болон жагсагчдын хооронд мөргөлдөөн гарч, хэд хэдэн хүн эмнэлэгт хүргэгджээ. Мөн төмөр замын өртөөн дээр цугларсан олныг тааахын тулд нулимс асгаруулагч хий цацсан бол жагсагчд цагдаагийнхан руу шүхэр, төмөр эд зүйл шидэж байсан гэнэ. 
 

Кэрри Лам: Эсэргүүцлийн шалтгаан нь зөвхөн хуулийн төсөл төдий биш

Г.Бямбасүрэн