АТГ-аас ХХААХҮ-ийн сайд асан Б.Батзориг болон ЖДҮХС-гийн удирдлага нарын 13 хүнд холбогдох хэргийг шүүхэд шилжүүлжээ. Энэ талаар АТГ-аас өнөөдөр (2019.09.10) мэдээллээ.
Харин сайд асан Б.Батзориг хэргийн талаар ямар ч мэдээлэлгүй байгаагаа хэллээ. Тэрбээр “Хэрэг гээд байгаа зүйл ямар шатанд явааг би мэдэхгүй. Одоогоор надад мэдээлэл алга” хэмээн хариуллаа.
Мөн тэрбээр “Хэт улстөржүүлж байна. ЖДҮ-ийг дэмжиж байж Монгол Улс иргэдээ ажилтай, орлоготой болгоно шүү дээ. Энэ сангаас Монгол Улсын иргэн хэн ч барьцаагаа тавьж, хариуцлагаа үүрээд зээл авч болно. Бид зах зээлийн нийгэмд амьдарч байна. Энэ нийгэмд зээл авч болохгүй гэсэн хууль хаана байгаа юм” гэсэн байр суурь илэрхийлэв.
Б.Энэрэл