Монголын теннисчид "Дэвисийн цом"-д оролцоно
9-11

 

Теннисний хамгийн нэр хүндтэй багийн тэмцээн болох " Дэвисийн цом-2019"-д Монголын теннисчид оролцохоор Иордан улсыг зорилоо. Зөвхөн эрэгтэй багууд оролцдог Дэвисийн цом 1900 оноос эхлэн зохиогдсон, энэ жилийн тэмцээн 108 дахь удаагийнх нь юм. Манай теннисчид 2008 онд энэхүү буурал түүхтэй тэмцээнд мөрөө гаргаж байсан бол өнгөрөгч 2018 онд хоёр дахиа оролцож, Ази болон Далайн орнуудын бүсийн хэсэгтээ тавдугаар байр эзэлж байсан билээ.

 

Энэ удаа Ж.Батжаргал ахлагчтай, Д.Эрдэнэбаяр, С.Сүхжаргал, Э.Ангараг, А.Тамир нарын бүрэлдэхүүнтэй Монголын баг есдүгээр сарын 11-14-нд Иорданы Амман хотноо явагдах Ази болон Далайн орнуудын дөрөвдүгээр хэсэгт өрсөлдөх юм. "Дэвисийн цом-2019" тэмцээнд нийтдээ 133 орны баг оролцох бөгөөд манай теннисчдийн өрсөлдөх хэсэгт нийт 14 орны баг өрсөлдөнө.

 

Ц.Энхтүвшин

Shuud.mn
Сонин хачин