Монголчуудыг баярлуулсан үнэ төлбөргүй оношилгоо
9-6

Хятад, Монголын дипломат харилцаа тогтоосны 70 жилийн ойг тэмдэглэх ажил үр өгөөжөө өглөө.  “Хятад орныг танин мэдэх” соёлын цуврал арга хэмжээ ирэх сарын 3-5-ны өдрүүдэд  Улаанбаатар хотын гурван дүүргийн нэгдсэн эмнэлэгт хөрш орны мэргэжлийн эмч нар хүрэлцэн очиж үнэ төлбөргүй үзлэг оношилгоо хийлээ.

 

 

Өнгөрсөн жил мөн ойн “Хятадын соёлын өдрүүд” манай улсад зохион байгуулагдаж иргэд эмчилгээ, оношилгооны энэхүү үйлчилгээнд сэтгэл дүүрэн үлдсэн юм. Тэгвэл өнөө жил Хятадын уламжлалт анагаах ухаан болоод нарийн мэргэжлийн эмч нар Улаанбаатарт ирж үзлэг, оношилгоо хийх тухай мэдээлэл цацагдсан даруйд эмээ минь “Хүүш” гэж ухасхийн телевизийн дуугаа нэмж байв.

 

Хятад, ӨМӨЗО-ны эмч нар есдүгээр сарын 2019.09.3-ны өдөр Баянзүрх дүүргийн нэгдсэн эмнэлэгт, 2019.09.04-ны өдөр Хан-Уул дүүргийн нэгдсэн эмнэлэгт, 2019.09.05-ны өдөр Чингэлтэй дүүргийн нэгдсэн эмнэлэгт тус тус байрлаж ажиллав.

 

Есдүгээр сарын 5-ны өдөр манай дүүрэгт хүрэлцэн ирэх эмч нартай уулзах гэж эмээ эртлэн босоод намайг дагуулсаар гарлаа. Өглөө очиход л дүүрэн хүнтэй байсан өрөөний үүдэнд 14.00 цагийн үед ч “хоцорчихлоо” хэмээн урамгүй хүлээж суугаа хүн ч байв.

 

Хаа хол Хятад улсаас зорьж ирж Монголын ард түмэнд халуун сэтгэлээр тусламж, эмчилгээ үйлчилгээ үзүүлсэн эмч нарт талархаж буйгаа эмээ дамжуулж дараа жил дахин ирэх урилга дайсныг энд уламжилья.

 

Г.Сүрэн

Shuud.mn
Сонин хачин