Ц.Батцэцэг, Д.Төмөрхүлэг нар Ташкентад зодоглоно
9-20

Жүдо бөхийн гранпри тэмцээн Узбекистаны нийслэл Ташкент хотноо өнөөдөр эхэлж байна. Тус гранпри тэмцээнд 71 орны нийт 423 тамирчин оролцож байгаагийн дунд Монголын есөн бөх багтжээ. Манай баг тамирчдын бүрэлдэхүүнд "Инчон-2014" Азийн наадмын аварга Д.Төмөрхүлэг, 2016 онд энэхүү Ташкент хотод Ази тивийн аварга цол хүртсэн Д.Алтансүх, Д.Нямсүрэн, улсын гурван удаагийн аварга Ц.Батцэцэг нарын туршлагатай тамирчид, залуучуудын ДАШТ-ий хүрэл медальт Г.Наранцэцэг зэрэг залуу бөхчүүд байгаа юм.

 

Токиод саяхан болсон ДАШТ-д оролцох тамирчдын дунд 70 кг-д улсын аваргад түрүүлсэн Ц.Батцэцэг багтаагүй билээ. Тиймээс тэрээр гомдолтой буйгаа өөрийн фэйсбүүк хуудсанд бичиж, шударга өрсөлдөөнийг хүсч байсан. Ц.Батцэцэг “Жүдо бөхийн дэлхийн аваргад явах тамирчдын нэр зарлахад миний нэр байсангүй. Энэхүү тэмцээнд оролцох нь миний мөрөөдөл байсан. Ингэж болохгүй ээ. Улсын аваргаар нэгдүгээр тойрогт ялагддаг бөхийг ДАШТ-д явуулах байсан юм бол яах гэж тэмцээн зохион байгуулдаг юм. Өмнөх жилүүдэд жүдогоор бэлтгэл хийдэггүй болохоор явуулахгүй байна гэж бодоод дуугүй байдаг байлаа.

 

Тамирчны, ялангуяа миний тамирчны амьдрал тийм ч их урт биш. Үнэхээр энэ үзэл бодолтой эвлэрэхгүй байна. Ямар шалгуураар энэ хүнийг явуулж байгааг үнэндээ ойлгохгүй байна. Би 2015 оноос хойш чимээгүй явлаа. Спортод хүртэл шударга зүйл алга даа. Би явахгүй байсан ч миний ард мөнгө, хүрэл гээд медаль хүртсэн тамирчид байгаа. Гомдолтой байна” хэмээн бичиж байжээ.

 

М.Бүүвэй

Shuud.mn
Сонин хачин
Enkh:
Demjij bn ulsiin avarga blsn boh n yavah estoi shalgaruulaltand n turuulchihsen bohiig ingej hohirooj blhgui horsh orosuudiig har ulsiin avarguud n irdeg uridiin gavyagaar temtceend yuvuuldaggui yum
2019-09-24
nergui:
Battsetseg odoo l neg ywahndee
2019-09-23
Jenkogiin shalny alchuurnuud
2019-09-20