Босоо Хөх Монгол ТББ-аас өнөөдөр (2019.09.20) мэдээлэл хийлээ. Тус байгууллагаас Сэлэнгэ аймгийн Шаамар сум болон Дорноговь аймгийн Улаанбадрах суманд ажиллажээ.
Сэлэнгэ аймгийн Шаамар суманд Засаг дарга М.Баярбаатарын захирамжаар Сэлэнгэ Үндэс компанид 300 га газрыг 60 жилээр эзэмшүүлжээ. Гэтэл Сэлэнгэ Үндэс компани нь 300 га газрынхаа талыг Хятадын компанид худалдсан байна. Тиймээс энэ асуудлаар аймгийн Засаг даргад шаардлага өгсөн байна. Энэ дагуу аймгийн дарга шийдвэр гаргаж, 60 жилээр газар эзэмших эрхийг цуцалсан гэдгийг Босоо Хөх Монгол ТББ-ын тэргүүн Г.Ганхуяг хэллээ.
Мөн тэрбээр Шаамар сумын иргэдийг ундны усаар хангадаг гурван худаг хятад хүний өмч юм байна. Иргэд хятадуудаас цэвэр усаа худалдаж авч хэрэглэдэг нь аюулгүй байдлыг баталгаагүй гэдгийг хэлэв.
Дорноговь аймгийн Улаанбадрах суманд “Бадрах энержи” (Францын Арева) компани үйл ажиллагаа явуулж байна. Гэтэл тухайн байгууллагын ураны олборлолт нутгийн иргэдийн амь насанд заналхийлж эхэлжээ. Мал амьтан нь эрэмдэг зэрэмдэг болж, жирэмсэн эхчүүд нь хүүхдээ дутуу төрүүлж байна. Тэр нутагт аймаглан устгах ажиллагаа явагдаж байгааг Босоо Хөх Монгол ТББ-ынхан хэлж байна. Тиймээс ҮАБЗ болон Ерөнхийлөгчид хандаж, энэ бүс нутагт онцгой байдал зарлах шаардлагыг тавих аж.
Дорноговь аймгийн Эвийн хүч-Эх нутгийн төлөө ТББ-ын тэргүүн Н.Хөхөө “нутгийг минь анхааралдаа авч, онцгой байдал зарлан, иргэдийг минь авраач” гэдгийг төр засгаас хүсч байна.
Б.Энэрэл
Уншиж байна |