Нийгмийн хамгаалал, халамжийн үйлчилгээг төв талбайгаас аваарай
9-21

Монгол Улсын Засгийн газрын үйл ажиллагааг нийтэд сурталчлан таниулах нээлттэй өдөрлөг 2019 оны 09 дүгээр сарын 16-27-ны өдөр Д.Сүхбаатарын талбайд болж байна.

 

 

Энэ өдрүүдэд Засгийн газрын 2016-2020 оны үйл ажиллагааны хөтөлбөрт тусгасан хөрөнгө оруулалт, бүтээн байгуулалтын томоохон төслүүдийг танилцуулж, иргэдэд мэдээ, мэдээлэл өгөх бөгөөд яам, агентлагууд салбарынхаа ажлыг сурталчлан, хариуцсан чиглэлээрээ төрийн зарим үйлчилгээг хүргэж байгаа юм.

 

Өнөөдөр буюу 2019 оны 09 дүгээр сарын 21-ний өдөр  Хөдөлмөр, нийгмийн хамгааллын яам Сүхбаатарын талбайд нээлттэй ажиллана.

 

Энэ өдөр ажлын байрны захиалга авч, ажилгүй иргэдийг зуучлах, нийгмийн халамжийн бүх төрлийн үйлчилгээ үзүүлэх, тэтгэвэр, тэтгэмж, хөнгөлөлт, тусламжийн талаар мэдээлэл, зөвлөгөө өгөх, одонтой ээж, жирэмсэн эхчүүдийн материал, насны хишигтэй холбоотойгоор ахмадуудын өргөдлийг хүлээн авах, ахмад настан, хөгжлийн бэрхшээлтэй иргэдэд нийтийн тээврээр хөнгөлөлттэй зорчих карт олгох, сунгах, протез, ортопедийн танилцуулга, захиалга авах боломжтой.

Shuud.mn
Сонин хачин
Зопчин:
Эрдэнэ даргын үед ахмадуудын талаар чухал шийдвэр гарч нөгөө Торойбандыг байхад гэдэг шиг байлаа.Одоо ч доривтой нэмж хийсэн зүйлгүй.Ядахдаа нөгөө хөнгөлөлттэй амралтыг нь эдлүүлж чадахгүй үйлийг нь үзэж байх юм.Өдөрлөгийн үеэр энэ чигийн гомдол гаргачид их байлаа.Ер нь халамжид гар сунгах тун дургүй байгаад байх юм даа.
2019-09-22