Нийслэлийн онцгой байдлын газраас шахмал түлшний угаарын хийнд хордсон хүмүүсийн биеийн байдлын талаар цаг үеийн мэдээлэл өглөө.
Аравдугаар сарын 02-ны өдрийн 09 цагаас өнөөдрийн 06 цаг хүртэлх хугацаанд нийт 60 өрхийн 135 хүн угаарын хийнд хордож, эмнэлгийн тусламж авчээ. Тэдний 60 нь том хүн, 55 нь хүүхэд байна.
Нийслэлийн түргэн тусламж 54 өрхийн 122 хүнд тусламж үзүүлсэн байна. Мөн ЭХЭМҮТ 38 хүүхдийг эмчилгээнд хамруулж, 17 хүүхдэд зөвлөгөө өгчээ. Одоо эмнэлэгт гурван хүүхэд хэвтэн эмчлүүлж байна. Тэдний нэгийн биеийн байдал нь хүнд, хоёр нь хүндэвтэр байна.
Хордсон насанд хүрэгчдийн 60 хувь нь хордлогын төвд эмчлүүлж, 20 хүн гэрээр зөвлөгөө өгчээ. Хордлогын төвд яг одоо долоон хүн хэвтэн эмчлүүлж байна. Тэдний нэгний биеийн байдал маш хүнд, таван хүний биеийн байдал хүнд, хүндэвтэр нэг хүн байна.
10 дугаар сарын 08-ны 21 цагаас 09-ны 06 цаг хүртэл түргэний эмч нар 4 өрхийн 10 хүнд эмчилгээ тусламж үзүүлсэн гэдгийг НОБГ-ын Гамшгаас урьдчилан сэргийлэх хэлтсийн дарга, хурандаа Г.Нэргүй хэллээ.
Б.Энэрэл
Уншиж байна |