Яаралтай түргэн тусламжийн төвд шинэ автомашин хүлээлгэн өглөө
10-14

Нийслэлийн Засаг дарга бөгөөд Улаанбаатар хотын захирагч С.Амарсайхан өнөөдөр НЭМГ-ын харьяа Нийслэлийн түргэн тусламжийн төвд эмнэлгийн зориулалтаар иж бүрэн тоноглогдсон гурван автомашиныг хүлээлгэн өглөө.

 


Эмнэлгийн тусламж, үйлчилгээний чанар, хүртээмжийг сайжруулах, иргэдэд цаг алдалгүй хүрч үйлчлэх боломжийг нэмэгдүүлэх үүднээс Нийслэлийн Засаг даргын А/219 тоот захирамжийн дагуу нийслэлийн төсвийн хөрөнгө оруулалтаар түргэн тусламжийн эдгээр автомашиныг хүлээлгэн өгч, парк шинэчлэлт хийж байна.


Тус арга хэмжээнд Нийслэлийн Эрүүл мэндийн газрын дарга Л.Төмөрбаатар, Нийслэлийн түргэн тусламжийн төвийн дарга Ц.Пүрэвдаш болон албаны бусад хүмүүс оролцсон юм.


Эмнэлгийн тусламж, үйлчилгээний зориулалт бүхий иж бүрэн тоноглогдсон “Форд” загварын автомашиныг мөн Налайх, Багануур дүүргийн эрүүл мэндийн төвд тус бүр нэгийг хүлээлгэн өгчээ.


Нийслэлийн Засаг дарга бөгөөд Улаанбаатар хотын захирагч С.Амарсайхан энэ үеэр “Яаралтай түргэн тусламжийг иргэдэд цаг алдалгүй үзүүлэхэд эмнэлгийн зориулалтаар иж бүрэн тоноглогдсон эдгээр автомашин зайлшгүй хэрэгтэй юм. Нийслэлийн эдийн засаг, нийгмийг 2020 онд хөгжүүлэх үндсэн чиглэлд эмнэлгийн тусламж, үйлчилгээний чанар, хүртээмжийг нэмэгдүүлэх хүрээнд парк шинэчлэлийг 50-60 хувь хүртэл хийхээр тусгасан байгаа. Тиймээс эрүүл мэндийн байгууллагуудын парк шинэчлэлийн асуудалд анхаарч ажиллана” гэсэн юм.
Хүйтний улирал эхэлж байгаатай холбогдуулан томуу, томуу төст өвчний дэгдэлт, осол гэмтэл, баяр ёслолын өдрүүдэд гарах хордлого, халдварт өвчин зэргээс үүдэн яаралтай түргэн тусламжийн төвийн дуудлага эрс нэмэгддэг билээ.

 


Харин эдгээр автомашиныг хүлээлгэн өгснөөр эмнэлгийн тусламж, үйлчилгээг иргэдэд цаг алдалгүй хүргэх төдийгүй эрүүл мэндийн байгууллагад ашиглалтын хугацаа дууссан, нэмэлтээр шаардлагатай байгаа автомашины хэрэгцээ, шаардлагыг хангасан томоохон хөрөнгө оруулалт болж байгаа юм.

Shuud.mn
Сонин хачин
ЯДАЖ ХАР ШИЛЭН БАЙШИНГИЙНХАА ӨМНӨ ӨГ Л ДӨӨ. ГАЗАР МУНДСАН БИШ. ТА НАР ЭЛДЭВ ДОЛООН ШОУ ХИЙХ БОЛОХООРОО УУЛ ТАЙРААД Ч ХИЙДЭГ Л ЮМ БАЙНА ЛЭЭ. 3-ХАН МАШИН ӨГӨХӨД ЮУНД ГАЗАР НЬ ОЛДОЖ ЯДАВ. ДАЛДАГНАСАН ДАЛДААКУУД ВЭ
2019-10-14
Мэдрэл:
ДАРГА НАР ЖААХАН ХОЛ ОЧИЖ ЮМАА ӨГ Л ДӨӨ. НИЙСЛЭЛИЙН ТҮРГЭН ТУСЛАМЖИЙН ТӨВД ӨГЛӨӨ ГЭЭД ТӨРИЙН ТУСГАЙ АЛБАН ХААГЧИДЫН ЭМНЭЛГИЙН ҮҮДЭНД ӨГЧ БАЙГАА НЬ ЯМАР УЧИР УТГАТАЙ ЮМ БЭ, АМАРСАЙХАН ГУАЙ БАГШИЙН ДЭЭД ХҮРТЭЛ АЛХАЖ ЧАДАХГҮЙ ЮУ, ХӨЛ МУУТАЙ ЮУ
2019-10-14