УИХ ирэх долоо хоногоос Үндсэн хуулийн нэмэлт өөрчлөлтийн төслийн гуравдугаар хэлэлцүүлгийг хийж эхэлнэ. Үүнтэй холбогдуулан өнөөдөр (2019.10.16) ХҮН-аас мэдээлэл хийлээ. Тус намаас дараах гурван саналыг Үндсэн хуулийн нэмэлт өөрчлөлтөд оруулах ёстой хэмээн үзэж байна.
1.Монгол Улсад болж буй муу муухай бүхэн сонгуулийн можаритор тогтолцоотой холбоотой. Гэтэл МАН энэ тогтолцоог Үндсэн хуульд үлдээсэн. Хэрвээ өөрчлөх боломж гарч байгаа бол холимог тогтолцоог Үндсэн хуульд оруулахыг шаардаж байна.
2. Ерөнхий сайд нь танхимын сайд нараа томилдог, эргээд чөлөөлдөг, шаардлагатай тохиолдолд парламентаа тараадаг зохицуулалтыг Үндсэн хуульд оруулахыг шаардаж байна.
3. Ерөнхийлөгчийг парламентаас сонгодог байх хэрэгтэй. Ингэхгүйгээс Н.Багабанди, Н.Энхбаяр, Ц.Элбэгдорж, Х.Баттулга нар төрийг тогтвортой байлгаж, эв нэгдлийг хангагч биш самрагч, хагалган бутаргагч болж хувирсан.
Энэ саналаа УИХ-ын дарга Г.Занданшатарт хүргүүлжээ.
Үүнээс гадна ХҮН-аас Ерөнхийлөгч Х.Баттулгыг өргөсөн тангаргаасаа няцсан, Үндсэн хууль зөрчсөн үндэслэлээр ҮХЦ-д хандсан байна. Харин ҮХЦ энэ асуудлаар маргаан үүсэхгүй бол Бага суудлын хуралдаанд хандаж, хуульд заасан бүхий л боломжоор Ерөнхийлөгчид хариуцлага тооцуулахын төлөө тууштай ажиллана гэдгээ ХҮН-ын дарга Б.Найдалаа хэллээ.
Б.Энэрэл
Уншиж байна |