Мөнгө угаахтай тэмцэх санхүүгийн арга хэмжээ авах олон улсын байгууллага ФАТФ-ын ээлжит хурлаар Монгол Улсыг “саарал жагсаалт”-д оруулах эсэх асуудлыг хэлэлцжээ.
Тус байгууллага Монгол Улсыг “саарал жагсаалт”-д оруулсан мэдээллийг УИХ-ын гишүүн С.Эрдэнэ дөнгөж сая авсан гэдгээ мэдээллээ. Тэрбээр энэ тухай “Энэ бол маш муу мэдээ. Саарал жагсаалтад орсноор Монгол Улсад маш олон сөрөг үр дагавар бий болно. Тиймээс энэ эрсдлээс хурдан гарахын тулд холбогдох бүх байгууллагууд маш яаралтай ажиллах шаардлагатай.
Монгол Улсын аж ахуйн нэгж байгууллага төдийгүй иргэдийн гадаад гүйлгээ хяналтад орж, хаагдана. Олон улсад Монголын эдийн засгийн үнэлэмж сөргөөр очно. Манайх шиг хөгжиж байгаа орнуудын хувьд энэ маш муу үзүүлэлт” гэсэн мэдээллийг өгөв.
Б.Энэрэл