Ө.Пүрэвсүрэн алтан медалийн төлөө барилдана
11-1

“Будапешт-2019” чөлөөт бөхийн U23 насны ДАШТ-ий дөрөв дэх өдөр эмэгтэйчүүдийн хагас шигшээ барилдаан эхэллээ. Өсвөр үе болон 23 хүртэлх насны Азийн аварга, Баянхонгор аймгийн тамирчин, ОУХМ Ө.Пүрэвсүрэн 65 кг-ийн жинд алтан медалийн төлөө барилдах эрхтэй боллоо.

 

 

Тэрбээр хагас шигшээд насанд хүрэгчдийн Азийн АШТ-ий медальт Казахстаны Мадина Бакбергеноваг 7:0-ээр ялав. Тэрбээр өнөөдөр шигшээ барилдаанд Японы Мисүзү Ёномототой хүч үзнэ.

 

Залуучуудын ДАШТ -ий мөнгөн медальт, “Хилчин” спорт хорооны тамирчин, ОУХМ Н.Анударь 53 кг-ийн жинд хүрэл медалийн төлөө барилдахаар боллоо. Тэрбээр хагас шигшээд “Будапешт-2018” насанд хүрэгчдийн дэлхийн аварга Японы Харүна Окүнотой хүч үзэв. Энэ жил Таллинд болсон залуучуудын ДАШТ-д шигшээд барилдсан тэд Будапештийн хагас шигшээд дахин таарч 0:4-өөр ялагдлаа. Н.Анударь АНУ-ын Кэй Тэйлор, Беларусийн Катарина Пискуская нарын ялсантай хүрэл медалийн төлөө барилдана.

 

М.Бүүвэй

Shuud.mn
Сонин хачин
Ямар олон тэрбээр вэ
2019-11-03