Хятадууд Монголын хилээр их хэмжээний валютыг хууль бусаар нэвтрүүлсэн
11-5

 

 

2019 оны 10 дугаар сарын 13-18-ны өдрүүдэд БНФУ-ын Парис хотод болсон Олон улсын санхүүгийн хориг арга хэмжээ авах байгууллага /ФАТФ/-ын ээлжит хурлаар Монгол Улсын мөнгө угаах, терроризмыг санхүүжүүлэхтэй тэмцэх тогтолцоо /МУТСТТ/-ны үр дүнтэй байдлыг үнэлж, хяналтад байх орнуудын жагсаалтад оруулах шийдвэр гаргасан. Уг жагсаалтад орсноор Монгол Улсын хувьд мөнгө угаах, терроризмыг санхүүжүүлэхтэй тэмцэх тогтолцоогоо сайжруулж, олон улсын стандартад нийцүүлэх шаардлагатай болсон.

 

ФАТФ-аас тус тогтолцоог боловсронгуй болгоход шаардлагатай хэд хэдэн зөвлөмжийг Монгол Улсад хүргүүлсний дунд “Эрсдэлд суурилсан үйл ажиллагааны хүрээнд мөнгө угаах гэмт хэргийг олон төрлөөр мөрдөн шалгах үйл ажиллагааг нэмэгдүүлж, шүүхээр шийдвэрлүүлсэн байх” гэх шаардлага тавигдсан. Уг шаардлагын хүрээнд Монгол Улсын хууль сахиулах байгууллагууд өөрсдийн чиг үүргийн хүрээнд тодорхой ажлуудыг хийж гүйцэтгэж байна. Үүний нэг нь 2019 оны 10 дугаар сарын 29-ний шөнө хэрэгжүүлсэн ТЕГ болон ЦЕГ-ын хамтарсан тусгай ажиллагаа юм.

 

Уг тусгай ажиллагааны үр дүнд Монгол Улсад цахим болон мөнгө угаах гэмт хэрэг үйлдэх зорилгоор жуулчны визтэйгээр нэвтэрсэн БНХАУ-ын 800 орчим иргэнийг саатуулж, тэдний хэрэглэж байсан өндөр хүчин чадал бүхий 1000 орчим  комьпютер, ухаалаг гар утас, 10 мянга гаруй үүрэн холбооны дата сим картууд, онц их хэмжээний бэлэн валют, тансаг зэрэглэлийн автомашинуудыг хураан аваад байна.  Дээрх иргэдийн хувьд 2019 оны 8 дугаар сараас Монгол Улсад бага багаар нэвтэрч 2019 оны 10 дугаар 29-ний байдлаар 800-д хүрсэн. Үүнд тагнуулын байгууллагаас тухай бүр хяналт тавин ажиллаж байсан.

 

Тэдний явуулж байсан үйл ажиллагаа болон хураагдсан эд зүйлээс харахад БНХАУ-ын иргэд Монгол Улсын хилээр их хэмжээний бэлэн ба бэлэн бус валютыг хууль бусаар нэвтрүүлэн, 800 хүний бүрэлдэхүүнтэй цахим бүлэглэлийн үйл ажиллагааг явуулж, тэднийг санхүүжүүлж цалинжуулах, зочид буудал түрээслэх замаар орон байраар хангаж, аль нэг улсын нутаг дэвсгэрт цахим гэмт хэрэг үйлдэх замаар олсон гэмт хэргийн орлогоо Монгол Улсын нутаг дэвсгэрт байршуулж, үйл ажиллагаагаа өргөтгөж мөнгө угаах гэмт хэрэг үйлдэж байсан шинж тэмдэг тогтоогдож байна.

 

БНХАУ-ын иргэдийн ийм төрлийн үйл ажиллагаа нь Зүүн Өмнөд Азийн нутаг дэвсгэрт өргөн тархсан байх бөгөөд 2017 онд Камбож, Индонези, Тайланд, Испани улсын нутаг дэвсгэрт үйлдэгдэж, олноороо саатуулагдаж байсан.

 

Шалгалтын ажиллагаа үргэлжилж байгаа бөгөөд уг ажиллагаанд оролцсон БНХАУ-ын иргэдийг албадан гаргах арга хэмжээг хэрэгжүүлсэн. Харин зохион байгуулагч гэх этгээдүүдэд эрүүгийн хэрэг үүсгэн шалгаж байна.


Эх сурвалж: ТЕГ

Shuud.mn
Сонин хачин
asd:
pisda bidniig jhn ch gsen bodoosoi bilee LALRUUD
2019-11-06
Булган:
Элбэгдоржийг ардчилалын эцэг гэж солиорохоо болио.Арлчлал ийм байдаг юм уу.Ардчилалыг сөнөөгч шү дэ.
2019-11-06
иргэн:
хууль бус юм бол зогсоохгүй яасан юм бээ.
2019-11-05
Иргэн:
Элбэгдорж гадаад юу хийгээд яваа юм бэ? Зэвсэг ч оруулж ирэх гэж байж мэдэх хүн шүү хяналтаа араас нь тавьмаар байгаа байх шүү!
2019-11-05
Ардчилал эрх чөлөөний эцэг Элбэгдорж монголчууд бидэнд гадаад ертөнцийг нээж өгсөн хүн. Тэр хүн хаанаа явах нь монгол хүн бүрийн нэгэн адил өөрийнх нь эрх. Элбэгдоржийг бүү гүтгэ төрийн мөнгөний хулгайч Жэнко. Харин тэр төрөөс төмөр зам барина гэж хулгайлсан 280 сая доллараа хүүтэй нь төлөөчээ Жэнко. Тэрний чинь өрөнд ард түмэн өдөр бүр 55 сая төгрөг 2012 оноос хойш төлж байна Жэнко.
Ардчилал, эрх чөлөөний эцэг Элбэгдоржийг бүү гүтгэ төрийн мөнгөний хулгайч Жэнко. Жэнког баривчилж улсаас хулгайлсан 280 сая долларыг нь төлүүлээчээ. Тэрнийх нь хүү өдөрт 55 тэрбум төгрөгийг Монгол улс өдөр бүр 2012 оноос хойш төлж байгаа гэсэн. Жэнког барьж улсыг хохиролгүй болгоочээ.