Дүүрэг бүрт хөлбөмбөгийн талбай барих ажил эрчимтэй хэрэгжиж байна
11-11

Нийслэлийн Засаг дарга бөгөөд Улаанбаатар хотын Захирагч С.Амарсайханы гаргасан дүүрэг бүрт хөлбөмбөгийн талбай барих шийдвэрийн хүрээнд Налайх дүүргийн “Голомт” болон “Эрдмийн оргил” цогцолбор сургуулиуд хөлбөмбөгийн талбайтай болж байна.

 

Тэгвэл өнгөрсөн амралтын өдөр /2019.11.09/ Хотын Захирагч С.Амарсайхан тус дүүрэгт ажиллаж, сургуулиудын хөлбөмбөгийн талбайн ажлын явцыг шалгав.

 

 

Хөлбөмбөгийн талбайн ажил наймдугаар сарын 30-ны өдөр эхэлж, өнөөдрийн байдлаар ажлын гүйцэтгэл 98 хувьтай хийгдэж байна. Энэ сарын 14-нд улсын комисст хүлээлгэж өгөхөөр төлөвлөн ажиллаж байгаа аж.

 

 

Энэ үеэр Хотын Захирагч С.Амарсайханы зүгээс хөлбөмбөгийн талбайг чанар стандартын шаардлага хангасан материалаар хийж гүйцэтгэх шаардлагатай гэдгийг онцолж хэлээд, “Чанарын шаардлага хангахгүй зүлэг болон техник хэрэгслээр талбайг тохижуулж болохгүй. Хүүхдийн эрүүл мэндэд сөрөг нөлөөгүй, эдэлгээ удаантай материалыг сонго. Одоо хийсэн байгаа зүлэг шаардлага хангахгүй байна. Сольж өөр стандартын шаардлага хангасан зүлэгээр хий” гэсэн үүрэг чиглэлийг гүйцэтгэгч компанийнхан өгсөн юм.

 

Нийслэлийн ЗДТГ-ын Хэвлэл мэдээлэлтэй харилцах хэлтэс

Shuud.mn
Сонин хачин
surguuli bolgon talbaitai bailaa:
surguuli bolgon standart hemjeetei hul bombog sagsan bumbugiin talbaitai baih yostoi
2019-11-11
Нийслэлийн иргэн:
Амарсайхан та чинь нийслэлийн Засаг дарга юмуу Налайх дүүргийн Засаг дарга юм уу, Ирэх жил нэр дэвших санаатай тойргоо л услаад байгаа бололтой дог, Ус ихэдвэл үер болж бүгдийг урсгаж мэдэш шүү
2019-11-11