Г.Тэмүүлэн: Тэтгэврийн доод хэмжээг нэмэгдүүлэх хэрэгтэй
11-13

 

 

УИХ-ын чуулганы нэгдсэн хуралдаанаар Төсвийн хүрээний мэдэгдэл, 2021-2022 оны төсвийн төсөөллийн эцсийн хэлэлцүүлгийг хийлээ. Хэлэлцэж байгаа асуудалтай холбогдуулан гишүүд асуулт тавьж, хариулт авав.

 

УИХ-ын гишүүн Г.Тэмүүлэн:

 

-Тэтгэврийн доод хэмжээг нэмэгдүүлэх арга байна уу.  Жилд 10000-20000 төгрөгөөр нэмэгдүүлж байхаар  ахиухан нэмэгдүүлэх бололцоо байна уу. Ядаж тэтгэврийн доод хэмжээ 320 мянган төгрөгийг ахиулах хэрэгтэй байна. Гуравдугаар хэлэлцүүлгээр 300 орчим тэрбум төгрөгөөр хөрөнгө оруулалтыг нэмэгдүүлэхээр тэтгэвэр нэмэх хэрэгтэй байсан юм биш үү?

 

УИХ-ын гишүүн Д.Тогтохсүрэн: 

 

-УИХ-ын даргын захирамжаар байгуулагдсан ажлын хэсэг 2020 оны улсын төсөв, төсвийн хүрээний мэдэгдэл, төсвийн төсөөлөл, Засгийн газрын тусгай сангийн хууль дээр ажилласан. Бага тэтгэвэртэй хүмүүсийн тэтгэврийг нэмэгдүүлэх талаар ажиллаагүй. Зөвхөн зарим олон  хүүхэдтэй эхчүүдийн тэтгэврийг нэмэгдүүлэх талаар ажилласан. 

 

УИХ-ын гишүүн О.Баасанхүү:

 

-Өнөөдөр төсөв батлагдахаар асуух зүйл л асуугдаад байна. Тэтгэвэр нэмэгдсэнээр амьдрал өмнөхөөсөө дээшлэх үү? Төрийн албан хаагчдын цалин хэзээнээс нэмэгдэж байна. Тэр нь амьдрал ахуйд нь дэм болж байна уу. Зургаан сарын төсөөллөөр хийсэн үү, жилийн төсөөллөөр хийсэн үү? Сангийн сайд нь 1.3 их наяд төгрөгөөр төсвийн орлого тасарлаа гээд байдаг. Төсвийн байнгын хорооны дарга нь НДШ болохоо байлаа гэж байна. Амьдрал дээр бууж өгөхгүй байна. 

 

УИХ-ын гишүүн Д.Тогтохсүрэн:

 

-Тэтгэвэр, цалинг 2020 оны улсын төсөвт нэгдүгээр сарын нэгнээс инфляцийн түвшинтэй уялдуулж 8 хувиар нэмнэ. Төрийн үйлчилгээний албан хаагчдад удаан жилийн нэмэгдэл олгоно. Хувийн хэвшлийг дэмжих чиглэлээр олон чухал арга хэмжээ авахаар тусгасан. ЖДҮХС-г хэвээр байлгахаар дэмжсэн. 2020 оны хувьд ЖДҮХС-гийн эргэн төлөлтөөс 69 тэрбум төгрөг эргэж төвлөрнө гэж тооцсон. Энэ нь ЖДҮХС-гийн хувьд боломжтой мөнгө гэж тооцсон. 

 

Ийнхүү гишүүд асуулт тавьж, хариулт авч дууслаа. Ингээд байнгын хорооны дүгнэлтээр Монгол Улсын 2020 оны төсвийн хүрээний мэдэгдэл, 2021-2020 оны төсвийн төсөөллийн хуульд нэмэлт өөрчлөлт оруулах хуулийн төслийг батлах санал хураалт явууллаа. Санал хураалтаар 60.7 хувийн саналаар хуулийн төсөл батлагдлаа. 

Н.Энх

Shuud.mn
Сонин хачин
Зочин:
Дэлхийн хамгийн бага тэтгэвэр өгдөг орон Монгол гэнэ
2019-11-17
Зочин:
Эхний ээлжинд бүрэн тэтгэвэрийн доод хэмжээ 310 мянгаа ядаж 500 мянга болгох шаардлагатай Маш зөв санал тавьсан Тэмүүлэн гишүүнд баяраллаа
2019-11-17
Зочин:
Бүрэн тэтгэвэрийн доод хэмжээ 310 мянга шүү
2019-11-17
Зочин:
Тэтгэврийг шудрага зарчим дээр тогтоох хэрэгтэй. Нэмэхдээ тэгшитшэж байгаа явдал бүр буруу.
2019-11-14
зочин:
2000-2002 хооронд бага цалинтай үёд тэтгэвэр тогтоолгосон иргэдээ шүүгээд үз дээ.
2019-11-13
зочин:
Хүний улсад ажиллаж хөдөлмөрлөсөн хугацааг заавал харж үзэх хэрэгтэй.5 жилийн төлбөр төлсөн хүн 1сая гаруй авна гэхээр арай дэндүү юм.бага тэтгэвэр авдаг хүмүүсийн тэтгэвэрийг их нэмсээр байгаад 30 жил ажилласан хүнтэйгээ ижил авч яавч болохгүй.Дэндүү шудрага биш байна.Чинзориг сайд аа...
2019-11-13
мөнх:
Тэтгэвэр тогтоолт шал утгагүй итгэлцүүртэй .35 жил ажилласан хүн 350,0 хувь тэнцүүлсэн тэтгэвэр ч 320,0 .Хүний олон жилийн хөдөлмөоийн 30,0 үнэлж байгаа нь утгагүй санагддаг наад хууль дүрмээ шинэчилээсэй.ард түмнийг ядуу байлгах сонирхол эд нарт байдаг .
2019-11-13
Зочин:
Улсад 43 жил ажилласан хүн улсад нэг ч жил ажиллаагүй хүнтэй ижил 320.000 авч байгааг шударга гэх үү.43 жил ажиллахдаа нийгмийн шилжилтийн үеийн бага цалин авч байсан гэдгээрээ бага тэтгэвр тогтоогдсон нь шударга бус явдал юм
2019-11-13
Бод:
Насаараа ажил хийж үзээгүй хүн сүүлийн 5 жилийн НДШ ээ өндөр төлчихөөд одоо нэг сая таван зуун мянган /1,5 сая/ төгрөгийн тэтгэвэр авч байхад насаараа зүтгэсэн хүн 320000 төгрөгийн тэтгэвэр авч байна.Энэ 2 хүний тэтгэвэрийг адилхан 8 хувиар нэмбэл нөгөө ажил хийж үзээгүй нөхөр 120000 төгрөг нэмж авахнээ.Тэгвэл насаараа энэ улсад ажилласан нүний тэтгэвэр 8 хувиар нэмэгдэхэд дөнгөж 25000 төгрөг нэмж авахнээ.Энэ шудрага байнуу.Бодоод үздээ.
2019-11-13
тэт:
Хувиар нэмдэг буруу.Зөрүү нь улам л ихсэнэ.Яг адилхан хэмжээгээр нэмэх нь шудрага шүү.Энэ Чинзориг гэдэг сайд яаж нэмбэл шудрага болохыг мэддэггүй новшуу.Номтойбаяр сайд байхдаа адил хэмжээгээр нэмнэ гэж байсан.
2019-11-13