Европын сэргээн босголт, хөгжлийн банкны ерөнхийлөгчийг хүлээн авч уулзав
2019-11-14

Монгол Улсын Ерөнхийлөгч Х.Баттулга өнөөдөр Европын сэргээн босголт, хөгжлийн банк /ЕСБХБ/-ны ерөнхийлөгч Сэр Сума Чакрабартиг хүлээн авч уулзлаа.

 

 

Тус банк өнгөрсөн хугацаанд Монгол Улсад 1.7 тэрбум еврогийн санхүүжилт олгож, хувийн хэвшлийн хөгжлийг дэмжиж ирсэнд Монгол Улсын Ерөнхийлөгч талархал илэрхийлээд, 2024 он хүртэл Монгол Улстай хамтран ажиллах стратегийн баримт бичиг боловсруулах, тэргүүлэх хамтын ажиллагааны салбарыг тодорхойлох асуудлаар өргөн хүрээнд санал солилцлоо.

 

Ноён Чакрабарти Монгол Улстай хамтран ажиллах явцдаа жилд 1-2 томоохон төсөл, хөтөлбөр хэрэгжүүлэх, жилийн санхүүжилтэд 200-250 сая евро зарцуулах төлөвлөгөөтэй байгаа талаараа танилцуулж, энэ нь түлхүү хотын нийтийн аж ахуйн үйлчилгээ буюу автозам, эрчим хүч, нийтийн тээврийн хөгжил, цэвэр, бохир усны систем зэрэгт зарцуулагдах төлөвтэй байгаа гэсэн юм. Мөн сүүлийн үед Монгол Улсад өрнөж буй автозам, төмөр замын бүтээн байгуулалт нь банкны зорилго, зорилттой нийцэж байгааг дурдаад хөдөө аж ахуйн өртөг шингэсэн бүтээгдэхүүн үйлдвэрлэх, аялал жуулчлалын бодлого зэрэг хэрэгжиж эхэлсэн болон ТЭЗҮ-г бэлтгэсэн төсөл, хөтөлбөрүүдийг дэмжиж ажиллахаа илэрхийлэв.

 

Уулзалтын төгсгөлд Монгол Улсын Ерөнхийлөгч Х.Баттулга ЕСБХБ-ны санхүүжүүлэх төсөл, хөтөлбөрүүд нь эдийн засгийг төрөлжүүлэхэд хувь нэмэр оруулна гэдэгт итгэлтэй буйгаа илэрхийлж, ноён Чакрабартид ажлын амжилт хүслээ.

Shuud.mn
Сонин хачин
иргэн:
За, метро барчих аа, элбэж хамжиж байгаад. Тэрбум гаран ам. долларын хөрөнгө оруулалт шаардлагатай юм билээ, Нисэх буудлаас ч илүү ач холбогдолтой ш дээ, уул нь. Тэгвэл замын түгжрэл, өвөл хөлдөж үхэх гээд гадаа автобус хүлээдэг асуудал шийдэгдчий ш дээ,
2019-11-14