Дэлхийн санхүүгийн гол фирмүүд Энержи Ресурсын босгосон санхүүжилтийг онцолж байна. Олон улсын Finance Asia фирмээс Ази тивийн 2019 оны ТОП санхүүгийн төслүүдийг нэрлэлээ.  Finance Asia тус компанийн 440 сая долларын бондыг Монгол Улсын 2019 оны санхүүгийн шилдэг хэлцэл гэсэн бол IFR (International Financial Review)-аас мөн энэхүү санхүүжилтийг Азийн санхүүгийн шилдэг хэлцлээр нэрлэлээ. Олон улсын санхүүгийн зах зээлийн нөхцөл байдал тааламжгүй үед боломжийг маш сайн ашигласан, хөрөнгө оруулагчдын бааз сууриа тэлж чадсан, санхүүгийн байдлаа огцом сайжруулж чадсан зэргийг тэд дүгнэлтэндээ бичсэн байна.    IFR болон дэлхийн санхүүгийн зах зээлийн фирмүүд тухайн жилийн шилдэг хэлцлүүдийг оны эцэст дүгнэн зарладаг. Мөн   2019 оны Азийн санхүүгийн шилдгүүдээр Credit Suisse, DBS, HSBC зэрэг банкууд мөн тодорсон байна.

Энержи Ресурс нь олон улсын хөрөнгийн зах зээлд хувьцаагаа гаргасан анхны Монгол компани. Энэ ч утгаараа олон улсын санхүүгийн зах зээлд хамгийн туршлагатай, хамгийн өндөр дүнтэй санхүүжилтүүдийг амжилттай босгож байсан юм  гэж IFR Asia онцолжээ. 

                                                                                                         “FINANCE ASIA”-гийн шалгаруулалтанд Энержи Ресурс багтжээ