2019 оны шилдэг боксчин Б.Мишээлт
2019-12-25

 

ОБЕГ-ын харьяа “Аврагч” биеийн тамир, техник-спортын хорооны тамирчин Б.Мишээлт Монголын боксын холбооны 2019 оны “Шилдэг тамирчин”-аар шалгарлаа.

 

Тус холбооноос олимпийн таван цагирагийг бэлгэдэн хоёр эмэгтэй, гурван эрэгтэй тамирчныг шилдгээр тодруулсан байна. Үүнд: Дэлхийн АШТ-ий хүрэл медальт Э.Цэндбаатар, ОУХМ Б.Мишээлт, Х.Энхмандах, эмэгтэй боксчдоос М.Намуут, Т.Номинэрдэнэ. нар багтжээ. Б.Мишээлт нь 2019 онд зохион байгуулагдсан “China Open-2019” олон улсын тэмцээн, “India-Open-2019” олон улсын А зэрэглэлийн тэмцээн, насанд хүрэгчдийн улсын аварга шалгаруулах тэмцээнээс тус тус алтан медаль хүртэж, УАШТ-ий шилдэг тамирчнаар шалгарсан амжилтыг үзүүлсэн юм.

 

Тэрбээр энэ жилийн улсын аваргын финалд үнэхээр ганган тулаан хийснийг бокс сонирхогчид ярьсаар байна. 60 кг-аас жин өгсөөд 69 кг-д тулалдахдаа аваргын төлөө шалгарч, финалд үзүүштэй дайчин тулаан хийж улсын аварга болжээ.

Ц.Ганбат

Shuud.mn
Сонин хачин